Ауа райы
Астана 4 °С
Алматы 9 °С
валюта бағамы
USD 421.58
EUR 496.83
RUB 5.53
CNY 62.20

Түркістандық кәсіпорындар биыл 344 млрд теңгенің өнімін өндірген

2020 жылдың 24 қыркүйек 2020 22:51

ТҮРКІСТАН. ҚазАқпарат - Түркістан облысында ағымдағы жылдың 8 айының қорытындысымен өнеркәсіп кәсіпорындары 344 млрд теңге сомасында өнім өндірген, деп хабарлайды ҚазАқпарат.

2018 жылмен (облыс құрылған сәттен бастап) салыстырғанда өндіріс көлемі екі жылда 6,5%-ға өскен. Бұл туралы Өңірлік коммуникациялар қызметінде өткен брифингте Түркістан облысының инвестиция және экспорт басқармасы басшысы Иса Құдабеков айтты.

Оның айтуынша, облыстағы 300 бірлік өнеркәсіп орындарында 23 мыңға жуық адам жұмыс істейді.

«Бүгінгі таңда 2020-2023 жылдарға арналған кәсіпкерлікті қолдау картасы аясында жалпы сомасы 324 млрд. теңгені құрайтын 29 жоба іске асырылуда. Нәтижесінде шамамен 6 мың жұмыс орны құрылатын болады. Ал биыл 12,5 млрд.теңге сомасына 13 жобаны іске асыру жоспарлануда. Толық іске асқан жағдайда 1500 адам жұмыспен қамтылады. Ағымдағы жылғы жобалардың ішінде 3-і іске қосылған», - деді Иса Мұсаұлы.


Жоғары қарай