Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Түркия мен Мысырдан келген 4 жолаушыдан коронавирус анықталды

2021 жылдың 23 ақпан 2021 12:54

НҰР-СҰЛТАН. ҚазАқпарат -22 ақпанында Қазақстанға 18 халықаралық әуе рейсі келді. Бұл туралы ҚазАқпарат Санитариялық - эпидемиологиялық бақылау комитетіне сілтеме жасап хабарлайды.

2021 жылғы 22 ақпанында Қазақстан Республикасының аумағына Швейцария, Мальдив Республикасы, БАӘ, Түркия, РФ, Беларусь Республикасы, Өзбекстан және Қырғызстаннан 18 халықаралық әуе рейсі келді.

1 727 әуе жолаушыларының ішінде ПТР-тестілеудің теріс нәтижесі бар анықтамамен 1 499 адам, анықтамасыз 228 ҚР азаматтары келді.
Оның ішінде:
Алматы қаласының әуежайына – 9 рейс, 1 040 жолаушы, анықтамамен - 844, анықтамасыз - 196;
Нұр-Сұлтан қаласының әуежайына – 6 рейс, 494 жолаушы, анықтамамен - 463; анықтамасыз - 31;
Ақтау қаласының әуежайына – 2 рейс, 184 жолаушы, анықтамамен - 183; анықтамасыз - 1;
Шымкент қаласының әуежайына – 1 рейс, 9 жолаушы анықтамамен келген.
Анықтамасыз келген Қазақстан азаматтары келген жерлері бойынша COVID-19-ға ПТР-талдау әдісімен тестіленді және карантиндік стационарларда өз нәтижелерін күтуде.
2021 жылдың 21 ақпанында шетелден анықтамасыз келген Қазақстан азаматтарының ПТР талдауларының нәтижелері туралы мәлімет
Анықтамасыз келген 202 ҚР азаматының ПТР-талдау нәтижелері бойынша төрт жолаушыдан коронавирустық инфекция анықталды. Оның ішінде, бір жолаушы Ыстанбұл – Алматы рейсімен, үш жолаушы Шарм-эль-Шейх – Нұр-Сұлтан рейсімен келген.


Басты сөздер: Коронавирус, Көлік,
Жоғары қарай