Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Түрмедегі педофилге есірткіні кәмпитке тығып өткізбек болған әйел ұсталды

2021 жылдың 28 маусым 2021 22:00

ТАЛДЫҚОРҒАН.ҚазАқпарат - Түрмеде жазасын өтеп жатқан педофилге есірткіні кәмпитке тығып өткізбек болған әйел ұсталды, - деп хабарлайды ҚазАқпарат тілшісі.

Алматы облысы бойынша Қылмыстық атқару жүйесі департаменті баспасөз қызметінің мәліметінше, әйел адам Алматы облысы бойынша ҚАЖД қарасты ЛА-155/12 жоғары қауіпсіздік мекемесіндегі педофилге психотроптық заттарды кәмпиттердің ортасына тығып өткізуге тырысқан.

«2017 жылы азаматтық некедегі әйелдің кәмелетке толмаған қызына қатысты ерекше қатыгездікпен жыныстық қатынас жасаған сотталғанға тыйым салынған заттарды колонияға беруге тырысты. Қысқа мерзімді кездесуге келген әйел жазасын өтеушіге кәмпитке тығылған психотроптық заттарды алып барған. Алайда, жедел бөлімдегі тексеру тобының қызметкерлері бұл әрекеттің алдын алды.




Сотталғандармен және олардың туыстарымен тыйым салынған заттарды алып өту фактілеріне жол бермеу бойынша жүргізілген профилактикалық әңгімелесулерге қарамастан, азаматтар тыйым салынған заттарды беруді саналы түрде жалғастыруда.

Тек 5 айдың ішінде Алматы облысында пенитенциарлық мекемелерге ұялы телефондарды, спирттік ішімдіктерді, ақша қаражатын және есірткі заттарын әкелудің 10 - ға жуық фактісінің алдын алынды», - деді Алматы облысы бойынша ҚАЖД бастығының міндетін атқарушы Қанат Ашов.

Естеріңізге сала кетейік, қылмыстық-атқару жүйесі мекемесіне тыйым салынған заттарды бергендер ҚР ӘҚБтК-нің 481-бабында көзделген әкімшілік жазаға тартылады.








Жоғары қарай