Ауа райы
Астана -6 °С
Алматы -2 °С
валюта бағамы
USD 421.58
EUR 496.83
RUB 5.53
CNY 62.20

UFC тарихындағы алғашқы қазақстандық қыз жаңа қарсыласын айқасқа шақырды

2020 жылдың 14 маусым 2020 13:38

НҰР-СҰЛТАН. ҚазАқпарат – Қазақстандық Мария Агапова UFC-дегі алғашқы айқасының үшінші минутында америкалық Ханна Сайферсті жеңді, деп хабарлайды ҚазАқпарат Sports.kz сілтеме жасап.

Осы айқастан соң ол бірінші кезекте Елбасы Нұрсұлтан Назарбаевқа және өз командасына алғыс айтты.

Содан кейін жекпе-жек туралы және келесі қарсыласы туралы сөз қозғады.

«Менің арманым орындалды, осы үшін барымды салдым. Көп жұмыс істеп келемін. Шэна Добсон, менен қашқаныңды қой. Айқас өткізейік, сені күтемін», - деді Агапова.

Айта кетейік, аралас жекпе-жектен әлем чемпионы Мария Агапова - әлемге танымал промоушендегі алғашқы қазақстандық спортшы қыз.

Ол осы жылдың ақпан айында Ultimate Fighting Championship (UFC) ұйымымен келісімшартқа отырған болатын.

Бүгін таңертең ол UFC турнирінде бірінші рет алаңға шығып, жеңіске жетті.



Басты сөздер: Спорт,
Жоғары қарай