Ауа райы
Астана 30 °С
Алматы 36 °С
валюта бағамы
USD 412.55
EUR 468.66
RUB 5.79
CNY 58.80

Үндістанда жай түсіп, 26 адам қаза тапты

2020 жылдың 3 шілде 2020 11:24

НҰР-СҰЛТАН. ҚазАқпарат – Үндістанның шығысындағы Бихар штатында бейсенбі күні жай түсіп, 26 тұрғын мерт болды, деп хабарлайды ҚазАқпарат Hindustan Times басылымына сілтеме жасап.

Бихарда қайғылы жағдай үшінші рет қайталанып отыр. 25 маусымда түскен найзағай салдарынан 92 адам, ал 30 маусымда 11 адам қаза тапқан.

Жергілікті билік өкілдерінің хабарлауынша, төтенше жағдай қызметі қауіптің жоғары деңгейін жариялағанына қарамастан адамдар күн күркіреп, найзағай ойнаған кезде де егін алқабында жұмыс істеуін тоқтатпайды.

Бихар үкіметінің министрі Нитиш Кумар қаза тапқандардың отбасына көңіл айтты. Сонымен қатар ол аймақта жаңбыр жауып, найзағай жарқылдап жатқандықтан штат тұрғындарын қауіпсіздік шараларын сақтауға шақырды.


Басты сөздер: Оқиға, Әлем,
Жоғары қарай