Ауа райы
Астана 0 °С
Алматы -2 °С
валюта бағамы
USD 421.58
EUR 496.83
RUB 5.53
CNY 62.20

Үш мемлекетте жүрген Қазақстан азаматтарына арнайы ұшақ жіберіледі

2020 жылдың 20 наурыз 2020 17:03

НҰР-СҰЛТАН. ҚазАқпарат – Польша, Әзербайжан және Грузияда жүрген Қазақстан азаматтарын елге алып келу үшін арнайы ұшақ жіберіледі. Бұл туралы ҚР Сыртқы істер министрлігінің ресми өкілі Айбек Смадияров айтты, деп хабарлайды ҚазАқпарат тілшісі.

«Қазіргі уақытта ел Үкіметі халықаралық авиақатынастардың жабылуына байланысты ең алдымен, Польша, Грузия және Әзербайжаннан ҚР азаматтарын қайтару туралы шешім қабылдады. СІМ қазақстандық азаматтарды қайтаруды ұйымдастыру барысында басқа мемлекеттік органдармен тығыз үйлесімді жұмыс атқаруда. Қазақстандықтардың үйге қайтып оралуын Air Astana және Scat авиакомпаниялары төмен бағамен рейстерді ұйымдастыру арқылы жүзеге асырады», - деді ресми өкіл.

Оның атап өтуінше, қазіргі уақытта Мәскеу қаласының «Внуково» әуежайындағы 30-ға жуық қазақстандықты елге қайтару мәселесі шешілуде. Олардың қолында билеттер бар, ұшу уақыты бойынша SCAT авиакомпаниясымен келісу жұмыстары жүріп жатыр. Сонымен қатар Ресейдің басқа да қалаларынан азаматтарымызды қайтару бойынша қиындықтар бар. Атап айтқанда, Омбыда 26 адам, Новосібірде 8 адам, Екатеринбургте 11 адам, Барнаул, Самарада 10 адам және Челябі, Орынбор сынды қалаларда бірнеше адам Қазақстанға қайта алмай отыр.

«Қазір Бішкек қаласында Атыраудан келген бір топ азаматымыз бар. Олардың арасында ерекше тасымалдау шарттары талап етілетін ДЦП диагнозы бар балалар болғандықтан, бұл жағдайда Қорғаныс министрлігінің авиациясы пайдаланылатын болады», - деді Айбек Смадияров.


Автор Марлан Жиембай
Басты сөздер: ҚР СІМ, Коронавирус,
Жоғары қарай