Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Үсік, найзағай, шаңды дауыл: 23 қыркүйекке арналған ауа райы

2021 жылдың 23 қыркүйек 2021 01:23

НҰР-СҰЛТАН. ҚазАқпарат - «Қазгидромет» РМК мамандары 23 қыркүйек күні ел аумағында ауа райы қандай болатынын жариялады, деп хабарлайды ҚазАқпарат.

Қазақстанның батысында, оңтүстік-батысында және солтүстігінде, сондай-ақ оңтүстік-шығысының таулы аудандарында фронттардың ықпалымен ауа райы құбылмалы болады.

Соның әсерінен жаңбыр жауады, елдің оңтүстік-батысы мен оңтүстік-шығысының таулы аудандарында найзағай жарқылдайды.

Солтүстігінде аздаған жауын-шашын болады.

Республиканың қалған аумағында жауын-шашынсыз ауа райы күтіледі.

Батысында, оңтүстік-батысында және оңтүстік-шығыстың таулы аудандарында жел күшейіп, батысында және оңтүстік-батысында шаңды дауыл соғады.

Республиканың солтүстігінде, солтүстік-батысында және оңтүстік-батысында тұман түседі.

Маңғыстау облысының батысында және орталығында найзағай ойнайды.

Түнде және таңертең жағалауда тұман күтіледі, күндіз облыстың солтүстік-шығысында шаңды дауыл болады, жел екпіні - 15-20 м/с.

Түнде Жамбыл облысының таулы аудандарында күн күркірейді. Жел қарқыны 15-20 м/с дейін күшейеді.

Күндіз Қызылорда облысының солтүстік-батысында және орталығында секундына 15-20 метр жылдамдықпен жел тұрады.

Күндіз Атырау облысының оңтүстік-шығысында, оңтүстігінде және орталығында шаңды дауыл соғады.

Күндіз өңірдің басым бөлігінде желдің күші 15-20 м/с жетеді.

Батыс Қазақстан облысының оңтүстігінде, оңтүстік-батысында, күндіз Ақтөбе облысының оңтүстігінде және батысында жел жылдамдығы 15-20 м/с болады.

Павлодар облысының солтүстігінде және батысында, түнде және таңертең Қостанай облысының солтүстігінде, солтүстік-батысында, Солтүстік Қазақстан облысының солтүстік-батысында, Ақмола облысының оңтүстік-шығысында, Шығыс Қазақстан облысының солтүстік-шығысында тұман түседі.

Түнде Алматы, Жамбыл облыстарының солтүстігінде, таулы және тау бөктеріндегі аудандарында топырақ бетінде 1-3 градус үсік жүреді.

Түркістан, Қызылорда, Алматы облыстарының басым бөлігінде, Ақтөбе, Қарағанды, Шығыс Қазақстан облыстарының оңтүстігінде төтенше өрт қаупі сақталады.

Басты сөздер: Қазгидромет, Ауа райы,
Жоғары қарай