Ауа райы
Астана 2 °С
Алматы 4 °С
валюта бағамы
USD 421.58
EUR 496.83
RUB 5.53
CNY 62.20

Велоспорттан Қазақстан чемпионаты тамызда өтеді

2020 жылдың 27 мамыр 2020 07:48

НҰР-СҰЛТАН. ҚазАқпарат – Қазақстан велосипед спорты федерациясы Халықаралық велосипедшілер одағының жаңа күнтізбесіне сәйкес ел чемпионаты өтетін жаңа мерзімді бекітті, деп хабарлайды ҚазАқпарат.

Ұлттық Олимпиада комитетінің хабарлауынша, ел біріншілігі 16-23 тамыз аралығында Петропавл қаласында өтеді.

17 тамыз күні жасөспірімдер арасындағы критериум жарысы, 18 тамыз күні ересектер мен жасөспірімдер арасындағы командалық бәсеке ұйымдастырылады.

19 тамыз күні жасөспірімдер арасындағы жекелей сын, 20 тамыз күні ересектер арасындағы жекелей сын жеңімпаздары анықталады. 21,22,23 тамыз күндері топтық жарыс жоспарланған. Коронавирус індетіне байланысты алдағы уақытта өзгерістер болуы мүмкін.


Басты сөздер: Спорт,
Жоғары қарай