Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Ўзбекистонда янги авиакомпания ташкил этилади

2021 жылдың 26 қараша 2021 12:29

TASHKENT. Kazinform – Ўзбекистонда «Uzbekistan Airports» АЖ «Silk Avia» минтақавий шўба авиакомпаниясини ташкил этмоқда. Янги авиаташувчи парвозларни келгуси йилдан бошлашни режалаштирмоқда. Бу ҳақда Kazinform «Uzbekistan Airports»га таяниб хабар беради.

Маълум қилинишича, янги авиакомпания 2022 йилдан парвозларни бошлашни режалаштирмоқда. «Silk Avia» авиакомпанияси 2021 йилнинг сентябрь ойида рўйхатга олинган. «Uzbekistan Airports» ва «HAS Aviation GT LLC» МЧЖ ўртасида минтақавий авиакомпанияни яратиш бўйича шартнома имзоланган.

«Биз бозорда ўзбекистонликлар учун арзон нархларда ички авиаташувларни таъминлайдиган авиакомпания ташкил этишни мақсад қилиб қўйдик. Яқин вақтгача Ўзбекистон шаҳарларини боғлайдиган тўғридан-тўғри қатновларнинг йўқлиги катта муаммо эди. Самарқанддан Хоразмга бориш учун йўловчилар Тошкент орқали учишлари керак эди. Бизнинг вазифамиз - ички ташувларни нафақат «point to hub» (пойтахтдан ҳудудларга), балки «point to point» (минтақалар орасида) модели асосида ҳам ташкил этишдир. 40 га яқин йўналишлар ва 70 кишига қадар йўловчи ташиш қувватига эга минтақавий самолётларни сотиб олиш режалаштирилган. Тарифлар темир йўл тарифларига мувофиқлаштирилади. Бу ички туризмни ривожлантиришга ва истеъмолчи учун авиачипталарнинг якуний қийматига ижобий таъсир кўрсатади», - дейди «Uzbekistan Airports» АЖ Бошқаруви раиси Раъно Жўраева.


Басты сөздер: Марказий Осиё, Транспорт,
Жоғары қарай