Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Жақсы дәстүр ғой - Министрлік соңғы қоңырауда ұстаздарға гүл сыйлауға болатынын айтты

2022 жылдың 24 мамыр 2022 12:02

НҰР-СҰЛТАН. ҚазАқпарат - Биыл пандемиядан кейін алғаш рет 25 мамырда соңғы қоңырау салтанатын өткізуге рұқсат берілді. Дегенмен ресторанда мектеп бітіру кешін өткізуге тыйым салынған, деп хабарлайды ҚазАқпарат.

Сондай-ақ Білім және ғылым министрлігі түлектердің ұстаздарына сыйлық жасауына болмайтынын атап өтті.

Мектеп әкімшілігі мен мұғалімдерге сыйлық алу үшін ақша жинауға, ойын-сауық мекемелерінде бітіру кешін ұйымдастыруға рұқсат жоқ.

Десе де, соңғы қоңырауда педагогтарға гүл сыйлауға болады.

«Жыл сайын 1 қыркүйек немесе 25 мамыр қарсаңында «Мұғалімге гүл сыйлауға бола ма, бұл заңбұзушылық болып саналмай ма?» деген сұрақ туындайды. Біздің ұстанымымыз - иә, болады. Бұл жақсы дәстүр ғой», - дейді мектепке дейінгі және орта білім комитетінің төрайымы Гүлмира Кәрімова.

Айта кетейік, Қазақстанның барлық мектебінде соңғы қоңырау мерекесі 25 мамырда өтеді.

Ал аттестатты салтанатты тапсыру рәсімі 16-17 маусымға белгіленген.


Жоғары қарай