Ауа райы
Астана -3 °С
Алматы 6 °С
валюта бағамы
USD 388.07
EUR 427.54
RUB 6.08
CNY 55.36

Жамбыл облысында 19 мыңға жуық көшет отырғызылды

2019 жылдың 12 қазан 2019 16:39

ТАРАЗ. ҚазАқпарат –Жамбылдықтар бүгінгі республикалық көгалдандыру акциясына белсене атсалысты, деп хабарлайды ҚазАқпарат.

Шараға облыс басшысы Асқар Мырзахметов бастаған әкімдік аппараты, аудан әкімдері, Ардагерлер кеңесінің мүшелері, өзге де ұйымдар мен қоғамдық бірлестіктердің төрағалары қатысты.

Облыс бойынша барлығы 18 466 адам 19 мыңға жуық көшет отырғызды. Оның ішінде, қарағай, шырша, қарағаш, арша, терек, емен, шетен, айлант секілді ағаш түрлері бар. Сенбілік өңірдегі 98 елді мекенді қамтыды.

Айта кетейік, аймақ басшысы тал егу акциясына облыстың шалғай ауданы – Мойынқұмда қатысты. Онда мойынқұмдық жастар мен өзге де жұртшылықпен бірге «Жаз Ата», «Жасыл ел» саябақтарына көшет егіп, шараға қарқынды үлес қосты. Аталған акция аясында облыс әкімі Асқар Мырзахметов және Мойынқұм ауданы әкімі Мәден Мұсаев туя, емен, терек ағаштарын отырғызып, игі істің маңыздылығына тоқталып өтті.

Бүкіләлемдік жасыл желек отырғызу күніне орайластырылған шара облыстың барлық аудандарында да жоғары деңгейде ұйымдастырылды.




Жоғары қарай