Ауа райы
Астана -17 °С
Алматы -4 °С
валюта бағамы
USD 421.58
EUR 496.83
RUB 5.53
CNY 62.20

Жамбыл облысында карантинді бұзғандарға 30 млн теңгеден астам айыппұл салынды

2020 жылдың 27 қазан 2020 07:23

ТАРАЗ. ҚазАқпарат – Жамбыл облысында карантин талаптарын бұзғаны үшін 239 азаматқа 30 миллион теңгеден астам айыппұл салынды, деп хабарлайды ҚазАқпарат тілшісі.

Жамбыл облысында Қазақстан Республикасы мен Жамбыл облысының бас мемлекеттік санитарлық дәрігерінің қолданыстағы қаулысының талаптарын орындау бойынша жұмыстарды жалғастыруда.

Мәселен, бір күннің ішінде полиция қызметкерлері көптеген халық тобы жиналған мерекелік және еске алу шараларын өткізу

бойынша карантиндік режимді бұзудың жеті дерегін анықтады.

«Облыста карантиндік шектеу шаралары әлі де сақталуда. Алайда, бұл шектеу шараларына немқұрайлы қараған 470 азамат Тараз қаласындағы ойын-сауық орындарында жеті іс-шара өткізген.

Тұрғындар маскалық режимді және әлеуметтік ара қашықтықты бұза отырып, тойханаларда адамдарды көптеп жинап, мерекелік шаралар,

үйлену тойлары, мерейтойлар, банкеттер ұйымдастыруды жалғастыруда. Жалпы, 23 шілде мен 22 қазан аралығында рейдтік тексерулермен 3375 нысан қамтылды. Карантин талаптарының сақталуына тексеріс жүргізген мониторингтік топтар нысандардағы 286

заң бұзушылықты анықтады. Анықталған бұзушылықтар үшін жалпы сомасы 30 255 198 теңгені құрайтын 239 айыппұл салынды, - дейді ПД ЖПҚБ бастығы Рахымберді Әшкеев.


Жоғары қарай