Ауа райы
Астана 16 °С
Алматы 15 °С
валюта бағамы
USD 405.69
EUR 455.51
RUB 5.72
CNY 57.42

Жамбыл облысындағы блокпостардан екі айда 800 мыңнан астам жолаушы өткен

2020 жылдың 1 маусым 2020 17:45

ТАРАЗ. ҚазАқпарат – Жамбыл облысында 1 маусымнан бастап облыс және аудандық елдімекендер арасындағы блокпостар алынды, деп хабарлайды ҚазАқпарат.

Облыстық полиция департаментінің басшысы Жанат Сүлейменов Жуалы ауданындағы блокпосты алуға қатысты. Ол осында еңбек еткен барлық қызметкерге алғыс хат табыс етті. Департамент басшысы сын сәтте өз үйінен жырақта, далада аянбай тер төккендерге ризашылығын жеткізді.





Жуалы аудандық орталық ауруханасының аға медбикесі Алма Жұмамұрат пен волонтер Шолпан Жалғасбай блокпост жұмысының аяқталуына байланысты полиция департаментінің басшысына қиын уақытта көрсеткен жан-жақты қолдауы мен қамқорлығы үшін алғыс айтты.

Статистикаға сәйкес, 31 наурыз бен 30 мамыр аралығында Жамбыл облысындағы блокпостар арқылы 800 мыңнан астам адам және 700 мың көлік өткен.

Карантин кезінде облыстық және аудандық блокпостарда 216 полицей, 115 медқызметкер, 112 әскери және 37 әкімшілік қызметкер қызмет атқарған.











Жоғары қарай