Ауа райы
Астана 15 °С
Алматы 15 °С
валюта бағамы
USD 411.54
EUR 458.13
RUB 5.84
CNY 57.64

Жамбылда мейрамхана иелерінің арасында жаңа челлендж басталды

2020 жылдың 24 наурыз 2020 16:26

ТАРАЗ. ҚазАқпарат - Жамбылдық кәсіпкерлер коронавирус инфекциясымен күрес бойынша өзекті челленджге белсене қатысуда, деп хабарлайды ҚазАқпарат.

Челлендж Жамбыл облысы полиция департаментінің Instagram әлеуметтік желісінде ұйымдастырылып жатыр.

Департаменттің баспасөз қызметінің мәліметінше, бастама қалалық және аудандық кәсіпкерлердің бір-біріне жолдаған бейнетүсірілімі арқылы өрбуде.

Қалыптасқан жағдайға байланысты өз кәсібінің тұралауына қарамастан, кафе, мейрамхана және облыстың басқа да ойын-сауық орындарының иелері видео арқылы әріптестерін челленджге қатысуға және коронавируспен күрес бағытында енгізілген шектеулерді орындауға шақырады.

Айталық, Тараз қаласындағы «Офелия» кафесінің директоры әріптестерінің шыдамдылық танытып, түсіністікпен қарауға шақырады.

«Барлық енгізілетін жарлықтар біздің, ел тұрғындарының денсаулығын сақтау үшін маңызды. Біз оларды тиісінше орында сақ, өз жағдайымызды жеңілдетеміз», – дейді ол.

Әкімшілер мен мекеме директорларының пікірінше, әрбір кәсіпкер енгізілген шектеулерді орындауға жауапкершілікпен қарауы, орын алған оқиғалардан тыс қалмауы және коронавирусқа қарсы күреске өз үлесін қосуы қажет.

Кәсіпкерлік челлендж - коронавирус инфекциясының таралуына қарсы күресте полиция қызметкерлеріне нақты көмек.

Өз кезегінде, полиция қызметкерлері осы бағыттағы барлық мүмкіндіктерді қарастыруда. Атап айтсақ, күнделікті рейд ұйымдастырылып, облыстың барлық дәмханалары мен мейрамханаларының иелеріне ескерту жасалған. 2000-нан астам жадынама табыс етілген.




Жоғары қарай