Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Жамбылда тепловоз бен автокөлік өртенді

2021 жылдың 20 шілде 2021 09:48

ТАРАЗ. ҚазАқпарат – Жамбыл облысында бір күнде тепловоз мен автокөлік өрті тіркелді, деп хабарлайды ҚазАқпарат тілшісі.

Жамбыл облысында қазіргідей жазғы маусымда өрт сөндірушілер мен құтқарушылардың жұмысына мұқтаж азаматтар қатары арта түскен. Орташа есеппен күн сайын жедел басқару орталығына төтенше жағдайлар туралы 20-дан астам хабарлама келіп түсуде. Бұл туралы облыстық төтенше жағдайлар департаментінің баспасөз қызметі хабарлады.

«Айталық, өткен тәуліктерде Талас ауданының №12 өрт сөндіру бекетінің «101» телефонына, Талас ауданының Табакбұлақ станциясындағы тепловоздың өрті туралы хабарлама келіп түскен. Шақыру орнына өрт сөндіру бекетінің күштері мен құралдары жіберілді. Келген бойда өрт сөндірушілердің кәсіби іс-әрекеттерінің арқасында өрт бір сағат ішінде оқшауланды, бір жарым сағатта сөндірілген. Өрттің жалпы ауданы 50 шаршы метрді құрады. Өрттің шығу себебі анықталуда. Қаза болғандар мен зардап шеккендер жоқ»,-делінген хабарламада.




Сондай-ақ, сол күні Алматы-Ташкент тас жолында көліктің өртенгені туралы хабарлама келіп түскен. Оқиға орнына Тараз қаласының №2 мамандандырылған өрт сөндіру бөлімінің күштері мен құралдары дереу жіберіліп, өртті сөндіру бойынша барлық қажетті шараларды қабылданған. Өрт сөндіруші-құтқарушылардың іс-қимылдары нәтижесінде тілсіз жау оқшауланып, жойылған. Өрттің шығу себебі анықтау бойынша шаралар қолға алынған десек, қаза болғандар мен зардап шеккендер тіркелмеген.

Сонымен қатар, өрт сөндіруші-құтқарушылар күн сайын құрғақ шөптің жануын жойып, құқық қорғау органдарына көмекке, жол-көлік оқиғалары, су басу , адамдарды, сондай-ақ жануарларды құтқаруға барады.

«Осыған орай Жамбыл облысы ТЖ департаменті облыс және қала тұрғындарынан өрт немесе төтенше жағдай туындай қалса, өз күштерімен жоя алмайтындығына көз жеткен жағдайда уақыт өткізбей шұғыл түрде «101» және «112» телефон нөмірлеріне қоңырау шалу қажеттігін ескертеді. Сондай-ақ шомылу маусымында судағы қауіпсіздік шараларын ұмытпауды және өрт қауіпсіздігі ережелерін қатаң сақтауды сұрайды»,-делінген ведомство хабарламасында.





Жоғары қарай