Ауа райы
Астана 24 °С
Алматы 26 °С
валюта бағамы
USD 412.55
EUR 468.66
RUB 5.79
CNY 58.80

Жамбылда жыл басынан бері 140-тан астам көлік өртенген

2019 жылдың 8 желтоқсан 2019 16:00

ТАРАЗ. ҚазАқпарат – Жамбыл облысында ағымдағы жыл басынан бері 140-тан астам көлік өртенген, - деп хабарлайды ҚазАқпарат тілшісі.

Биыл облыс аумағында барлығы 142 автокөліктің өртену оқиғасы тіркелген. Олардың салдарынан болған материалдық шығын 17 миллион 599 мың тенгені құрады. Десе де, бұл көрсеткіш өткен жылмен салыстырғанда 6,6 пайызға кемігенін көрсетеді. Атап айтсақ, былтыр автокөліктердің 152 өрті есепке алынып, 24 миллион 345 мың теңге шығын белгіленген.

Мамандар өрттердің шығу себептері әртүрлі, электр жүйесінің зақымдануынан жанармай жүйесінің ақауына дейін екендігін баса айтып отыр.

«Өткен айдың соңғында облыс аумағында 4 автокөліктің өртену оқиғалары тіркелді. Нақтырақ айтсақ, 26 қараша күні Тараз қаласында 1992 жылғы «Audi-100» маркалы автокөлігінің және 1988 жылғы «Volkswagen Passat» маркалы автокөлігінің мотор бөлігі өртенді. Сол күні Шу ауданы, Шу қаласы, «Сахзавод» мөлтек ауданында да 1985 жылғы «Audi-100» маркалы автокөлігінің мотор бөлігінде өрт болды. Ал, келесі күні Шу ауданы, Төле би ауылының кіре берісінде «Audi-100» маркалы автокөлігі өртенді. Осы орайда өрттердің шығу себептері олардың пайдалану уақыттарымен тікелей байланысты болып отырғандығын айтқым келеді»,- дейді облыстық ТЖД Зілзалалардың қауіп-қатерін азайту және азаматтық қорғау саласындағы бақылау басқармасының бас маманы, подполковник Бауыржан Сейдалиев.

Сондай-ақ, ол көбіне ескі автокөліктер, пайдалану уақыты он жылдан асқандар жиі жанатынын жеткізді. Май тамшысының әсерінен жану оқиғалары аз еместігіне назар аудартқан ол жүргізушілерді көліктерін барынша бақылап, сақ болуға шақырды.

Автор Қажы Мұрат
Басты сөздер: Жамбыл облысы, Оқиға, Көлік,
Жоғары қарай