Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Жанармайы таусылып, жолда қалған жүргізушіге полицейлер көмектесті - Павлодар облысы

2022 жылдың 30 қаңтар 2022 23:51

ПАВЛОДАР. ҚазАқпарат - Железин ауданында аязды күні жанармайы таусылып, жолда қалған жүргізушіге полиция қызметкерлері көмектесті, деп хабарлайды ҚазАқпарат Pavlodarnews.kz сайтына сілтеме жасап.

Бұл туралы облыстық полиция департаментінің баспасөз қызметі мәлім етті.
- Қызмет көрсететін учаскеде патрульдеу кезінде Железин ауданының инспекторлары, полиция лейтенанты Данияр Ищанов пен полиция старшинасы Данияр Алимбаев Жаңа жұлдыз-Михайловка тас жолында жол жиегінде тұрған машинаны көріп, жағдайдың дұрыс еместігін біліп тоқтаған. Көліктің жүргізушісі - Железин ауданы Есқара ауылының тұрғынының айтуынша, ол Михайловка ауылына бағыт алған жолда жанармайы таусылған, - деді баспасөз қызметінде.

Сондай-ақ ол жолдағы көліктердің тоқтамай, бір сағаттан артық уақыттай далада тұрып, аязда тоңып қалғанын жеткізген.
- Бір минутта кідірместен тәртіп сақшылары көлікті тіркеп алып, бағыт алған жеріне жеткізіп салған, - деді департаментте.

Ер адам полицейлерге өз алғысын білдіріп, алдағы қызметтеріне сәттілік тіледі.

Жоғары қарай