Ауа райы
Астана 3 °С
Алматы 4 °С
валюта бағамы
USD 437.20
EUR 475.32
RUB 5.79
CNY 61.94

Жапониядағы лайнерде болған 4 қазақстандық Нұр-Сұлтанда карантинге жатқызылды

2020 жылдың 24 ақпан 2020 12:21

НҰР-СҰЛТАН. ҚазАқпарат - Жапондық Diamond Princess лайнерінің бортында болған Қазақстанның 4 азаматы Нұр-Сұлтан қаласының №3 көпбейінді ауруханасының жанындағы инфекцияға қарсы корпусқа орналастырылды, деп хабарлайды ҚазАқпарат тілшісі.

«23 ақпанда жапондық Diamond Princess лайнерінің бортында болған Қазақстан азаматтары отанына оралып, карантинге жатқызылды. Еске сала кетейік, Жапония жағалауындағы криуз лайнерінде әлемнің 50 елінің 3 700 азаматы оқшауланып қалған болатын», - деп хабарлады ҚР Денсаулық сақтау министрлігінің тауарлар мен көрсетілетін қызметтердің сапасы мен қауіпсіздігін бақылау комитетінен.

Комитеттен хабарланғандай, Нұр-Сұлтан қаласындағы әуежайға 23 ақпан күні «Токио-Нұр-Сұлтан рейсі» бойынша 20 жолаушы келген. Оның 16-сы – Қазақстан азаматы. Төртеуі - жапондық, Diamond Princess лайнерінің ішінде болған жолаушылар.

«Келген азаматтардың бәрі де қаладан 7 шақырым жердегі Нұр-Сұлтан қаласының №3 көпбейінді ауруханасының жанындағы инфекцияға қарсы корпусқа жайғасты. Дәл осы ауруханада бұдан бұрын Уханьнан келген студенттер оқшауланған еді. Келген азаматтардан коронавирус инфекциясы бойынша анализ үшін сынама алынды. Бәрінің жағдайы қанағаттанарлық. Олар 14 күндік карантинде болады», - деп хабарлайды комитеттен.

Денсаулық сақтау министрлігіне қарасты комитет қазіргі таңда Қазақстанда коронавирус инфекциясын жұқтырған адамның жоқтығын хабарлайды. Қосымша ақпарат қажет болған жағдайда тәулік бойы қызмет ететін 1406 байланыс орталығына хабарласуға болады.


Жоғары қарай