Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Желіде Шарын шатқалындағы селдің видеосы пайда болды

2021 жылдың 29 мамыр 2021 23:38

АЛМАТЫ. ҚазАқпарат – Әлеуметтік желілерде Шарын шатқалындағы селдің видеосы пайда болды. Куәгерлер түсірген видеоны өзінің YouTube каналына ҚР Төтенше жағдайлар министрлігінің ресми өкілі Талғат Уәли жариялады, деп хабарлайды ҚазАқпарат.

«Биылғы жылдың 29 мамыры күні сағат 13:25-те Алматы облысының Төтенше жағдайлар министрлігіне Алматы облысы Ұйғыр ауданында Шарын шатқалының етегінде батпақты-сел жүргені туралы хабар түсті. Оқиғаның салдарынан 6 адам зардап шегіп, 2 адам қаза тапты. Қаза тапқандардың бірі кәмелетке толмаған. 1 адам із-түзсіз жоғалды. Зардап шеккендерге жедел медициналық жәрдем көрсетілді. Жоғалған адамды іздеу жұмыстары жүріп жатыр»,-деп толықтырды ҚР Төтенше жағдай министрлігінің ресми өкілі Талғат Уәли.


Жоғары қарай