Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Желтоқсанда айлық инфляция 0,7 пайыз болуы тиіс - Ерболат Досаев

2021 жылдың 9 желтоқсан 2021 10:05

НҰР-СҰЛТАН. ҚазАқпарат – Желтоқсанда айлық инфляция 0,7 болуы тиіс. Бұл туралы бүгін Үкімет отырысында ҚР Ұлттық банк төрағасы Ерболат Досаев айтты, деп хабарлайды ҚазАқпарат тілшісі.

«Мемлекет басшысының инфляцияны осы жылдың соңына таман 8,5 пайызға дейін төмендету жөніндегі тапсырмасын іске асыру нәтижесінде қарашада бағаның жылдық өсімі 8,9 пайыздан 8,7 пайызға дейін баяулады. Осыны ескерсек, желтоқсанда айлық инфляция 0,7 пайыз болуы тиіс. Бұл ретте орташа көрсеткіш 5 жыл ішінде 0,8 пайызды құрады», - деді Ерболат Досаев.

Айта кетейік, қарашаның қорытындысында жылдық инфляция 8 айда алғаш рет азық-түлік инфляциясының 11,3-тен 10,9 пайызға дейін, сондай-ақ ақылы қызметтердің 6,9-дан 6,4 пайызға дейін тежелуі аясында 8,9-дан 8,7 пайызға дейін баяулады.

Қарашада айлық инфляция 0,7 пайыз болды және 5 жыл ішінде орташа мәннен төмен қалыптасты.


Жоғары қарай