Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Жыл басынан бері 3 мың қандас жеңілдетілген тәртіппен азаматтық алды

2021 жылдың 13 қыркүйек 2021 11:54

НҰР-СҰЛТАН. ҚазАқпарат – Жыл басынан бері 3 мыңға жуық қандас жеңілдетілген тәртіппен Қазақстан Республикасы азаматтығын алды. Бұл туралы ҚР Ішкі істер министрлігінің ресми өкілі Нұрділдә Ораз айтып берді, деп хабарлайды ҚазАқпарат тілшісі.

«Биылғы 1 қаңтардан бастап қандастарға Қазақстанда тұрақты тұруға рұқсат алуға және Қазақстан азаматтығына қабылдауға бір мезгілде құжаттар тапсыру мүмкіндігі заңды түрде енгізілген. Бұрын олар бұл процедуралардан бөлек өтетін, ал тұрақты тұру рәсімі 2 айға созылатын. Содан кейін бір ай ішінде тұруға ықтиярхат дайындалды, содан кейін ғана Қазақстан азаматтығына қабылдау үшін құжаттар тапсыруға болатын еді. Оны қарау мерзімі 3 айға созылатын. Ал қазір барлық үш кезең бір уақытта өтеді», - деді Нұрділдә Ораз министрліктің апталық брифингінде.

Оның айтуынша, жыл басынан бері 3 мыңға жуық отандас Қазақстан Республикасының азаматтығына осындай тәртіппен қабылданған.

«Қазіргі уақытта осы мысал бойынша қандас куәлігін беруден бастап, азаматтыққа қабылдауға дейінгі шараларға тартылған барлық мемлекеттік органдар (ЕХӘҚМ, СІМ, ІІМ, АҚДМ, жергілікті атқарушы органдар) жұмысының бірыңғай алгоритмі енгізілуде. Нәтижесінде олар әр мемлекеттік органға жеке-жеке емес, тек бір рет-Халыққа қызмет көрсету орталығына жүгінетін болады. Құжаттар тізімі де екі есеге қысқарды, барлық кезеңдерден өту мерзімі 90 күнді құрайды. Материалдарды барлық мемлекеттік органдар қазіргідей кезек бойынша емес, бір мезгілде қарайтын болады», - деп түсіндірді ҚР ІІМ ресми өкілі.


Автор Айжан Серікжанқызы
Басты сөздер: Қандастар, ҚР ІІМ,
Жоғары қарай