Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

1 qazannan bastap Pavlodar oblysynan shyǵatyn joldar aqyly bolady

2021 jyldyń 15 qyrkúıek 2021 16:32

PAVLODAR. QazAqparat - Pavlodar oblysynan shyǵatyn respýblıkalyq joldar 1 qazannan bastap aqyly bolady. Bul týraly onlaın baspasóz jıynynda «QazAvtoJol» UK» AQ Pavlodar oblysy boıynsha fılıalynyń dırektory Aqylbek Qabyldın málim etti, dep habarlaıdy QazAqparat Pavlodarnews.kz- ke silteme jasap.

- 1 qazanda Pavlodar-Nur-Sultan baǵytyndaǵy aqyly júıege engizý josparlanýda. Al, 1 qarashada Pavlodar-Omby, Pavlodar-Semeı baǵytyndaǵy jol aqyly bolady. Biraq bul eki baǵytta tek shet el azamattary úshin aqyly bolady, - dedi Aqylbek Qabyldın.

Aqylbek Qabyldın respýblıkalyq mańyzǵa ıe joldardyń kútimi týraly da aıtty. Búginde Pavlodar oblysynda respýblıkalyq mańyzy bar avtomobıl joldary 1662,8 shaqyrymda quraıdy.
- Respýblıkalyq joldarda 28 myń sharshy metr aýmaqta shuńqyrlar jamaldy. 15 shaqyrym jolda 2 mıllıard teńgege kúrdeli jóndeý júrgizilýde. 118 shaqyrym jolda 3,3 mıllıard teńgege ortasha jóndeý jasalyp jatyr. Sondaı-aq bıyl joldardy kútip ustaýǵa 1,9 mıllıard teńge bólindi, - dedi Aqylbek Qabyldın.

Sonymen qatar, fılıal basshysy Ertis ózenine salynatyn jańa kópir jobasynyń saraptama qorytyndysyn qarasha aıynda shyǵady dep josparlanýda.
Basty sózder: Pavlodar oblysy, Jol, Kólik,
Joǵary qaraı