Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

1 qazannan Qaraǵandy oblysynda 80 jańa jyldamdyq ólshegish keshen iske qosylady

2021 jyldyń 28 qyrkúıek 2021 21:14

QARAǴANDY. QazAqparat - Jol qozǵalysy erejelerin buzýdy avtomatty túrde tirkeýge arnalǵan apparattyq-baǵdarlamalyq keshender 1 qazannan bastap Qaraǵandy, Temirtaý, Jezqazǵan, Sátbaev jáne Saran qalalarynda jumys isteı bastaıdy. Qazir olar test rejıminde, dep habarlaıdy QazAqparat tilshisi.

«Qaýipsiz qala» jobasyn iske asyrý sheńberinde Qaraǵandy oblysynda 1 qazannan bastap jyldamdyq rejıminiń asyp ketýin avtomatty túrde tirkeýge arnalǵan «Megacam Limit-S» 80 apparattyq-baǵdarlamalyq kesheni paıdalanýǵa beriledi.

Ol úshin tıisti jol belgileri ornatylyp, testileý júrgiziledi.

Máselen, Qaraǵandyda 40 apparattyq-baǵdarlamalyq keshen, Temirtaýda – 15, Jezqazǵanda – 10, Sátbaevta – 10, Saranda – 5 kamera jumys isteıtin bolady.

«Qaýipsiz qala» jobasyn iske asyrý aıasynda 80 jańa keshen paıdalanýǵa beriledi.

Olar jyldamdyq rejıminiń asyp ketýin, toqtaý jolaǵynan ótýdi jáne baǵdarshamnyń tyıym salatyn sıgnalyna ótýdi tirkeıdi. Oryn alǵan buzýshylyq týraly habarlama avtoáýesqoılarǵa jazbasha túrde poshta arqyly da, egov portaly, SMS arqyly da keletin bolady. Burynǵydaı jeti kún ishinde aıyppul somasynyń 50% tóleýge bolady», – dedi Qaraǵandy oblysy PD ÁPB aǵa ınspektory Edil Ábilov Óńirlik kommýnıkatsııalar qyzmeti alańynda ótken onlaın-brıfıngide.

Jyl basynan beri Qaraǵandy oblysynda 275 JKO boldy. Apat saldarynan 79 adam qaza taýyp, 300-den astam adam túrli jaraqat aldy. Statıstıkaǵa

súıensek, bul ótken jyldyń sáıkes kezeńimen salystyrǵanda 3%-ǵa az.





Joǵary qaraı