Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

1 qyrkúıekte mekteptegi oqý jyly qandaı formatqa kóshedi - mınıstr pikir bildirdi

2020 jyldyń 20 mamyr 2020 15:50

NUR-SULTAN. QazAqparat – QR Bilim jáne ǵylam mınıstri Ashat Aımaǵambetov 1 qyrkúıekten oqý jyly qandaı formatta bastalýy múmkin ekenin aıtty, dep habarlaıdy QazAqparat tilshisi.

«Qashyqtan oqytý ýaqyt talaby ekenin túsinemiz. Bul taqyryp úıde bilim alatyn balalarǵa, sondaı-aq qysta aýyldyq eldi mekenderde jol ashylmaǵanda oqýdan qalǵan balalarǵa qatysty. Osy oraıda túrli jaǵdaı bolyp jatady. Sáıkesinshe, bul jaǵdaılarda zamanaýı tehnologııalardy kómegi tıip, bilim berý protsesine qoldaý jasalady. Alaıda bul 1 qyrkúıekten qashyqtan oqýǵa kóshirýdi bildirmeıdi», - dedi A. Aımaǵambetov onlaın baspasóz máslıhatynda.

Onyń sózine qaraǵanda, pedagogtar, mınıstrlik, ata-analar men oqýshylardyń ózderi dástúrli formatta oqytý tıimdi ári yńǵaıly ekenin túsinip otyr.

«Bilim berý protsesi - ol tek aqparat berý ǵana emes. Bul turǵyda áleýmettendirý, balalar arasynda ózara is-qımyl men qarym-qatynas, tárbıelik protsess sekildi mańyzdy másele bar», - dedi mınıstr.

Budan buryn habarlanǵandaı, 11-synyp túlekterine attestat 3-4 maýsymda tapsyrylady.


Joǵary qaraı