Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

1 sáýirden bastap tańbalanýy mindetti temeki ónimderiniń tizimi uzartylady

2021 jyldyń 20 qańtar 2021 13:31

NUR-SULTAN. QazAqparat – 2021 jylǵy 1 sáýirden bastap tańbalanýy mindetti temeki ónimderiniń tizimi uzartylady. Bul týraly tolyǵyraq QR Qarjy mınıstrligi Memlekettik kirister komıtetiniń memlekettik qyzmetterdi kórsetý departamentiniń dırektory Baqytgúl Qazaqbaeva aıtyp berdi, dep habarlaıdy QazAqparat tilshisi.

«Qarjy mınıstrligi tsıfrlandyrý sheńberinde kóleńkeli ekonomıkanyń úlesin azaıtýǵa baǵyttalǵan birqatar sharany qolǵa alǵan edi. Bul rette taýarlardy tańbalaý júıesi - mańyzdy baǵyttardyń biri. Qazaqstanda taýarlardy tańbalaý tártibi mindetti. Ony engizý protsesi barysyna óndirýshi, ımporter, dıstrıbıýtor men bólshektik saýda ókili qatysady. Taýardy tańbalaý eki kezeń boıynsha júrgiziledi: birinshisine 2020 jylǵy 1 qazannan bastap óttik. Ol boıynsha fıltrsiz jáne fıltrli temekiler tańbalanady. 2021 jylǵy 1 sáýirden bastap biz tańbalaýdyń ekinshi kezeńine ótemiz. Ol jerde sıgaretterdi, sıgarıllalardy, elektrondy temekilerge arnalǵan suıyqtyqtar jáne osyǵan qatysty taǵy basqa taýarlar da tańbalaýǵa jatqyzylady», - dedi Baqytgúl Qazaqbaeva Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha temeki ónimderi legin tańbalaý arqyly zańsyz taýar aılanymyn qysqartýǵa bolady. Birinshiden, tutynýshylar úshin bul tártip ónimniń qaýipsizdigine kepildik berse, óndirýshiler men kásipkerler úshin zańdy básekeli ortany qalyptastyrady. Osylaısha salyqtan túsken qarajattyń esebinen bıýdjetke túsetin kiris kólemi de ulǵaıady.

«Endi tsıfrlyq tańba týraly aıta keteıin. Data matrix, ıaǵnı tsıfrly tańba qaǵaz júzindegi aktsızdi tańbanyń ornyn almastyrady. Óndirýshiler men ımporterler temekiniń árbir qorabyna Data matrix kodyn engizedi. Ol kodta óndirýshiler týraly málimet, serııalyq nómiri men tekserýshi kody belgilengen. Dúkender temekini satqan kezde kassır Data matrix-ti skanerlep, temekiniń satylǵany týraly aqparat OFD-ǵa jóneltiledi. OFD-dan aqparat taýarlardyń tańbalanýyn baqylaıtyn aqparattyq júıege jóneltiledi», - dedi ol.


Joǵary qaraı