Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

100-den astam ıýrısdıktsııadaǵy shottar boıynsha aqparat alynady - mınıstr

2021 jyldyń 2 qyrkúıek 2021 09:43

NUR-SULTAN. QazAqparat – Bıyl 100-den astam ıýrısdıktsııadaǵy Qazaqstan azamattarynyń qarjylyq shottary boıynsha aqparat almasý bastalady. Bul týraly Úkimet otyrysynda QR Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Múddeli memlekettik organdarmen birlesip, ekonomıkanyń barlyq salalary boıynsha Kóleńkeli ekonomıkaǵa qarsy is-qımyl jónindegi jospar iske asyrylýda. Sondaı-aq, memleket shekaralaryndaǵy artyq tosqaýyldardy alyp tastaýǵa jáne zańsyz saýda aınalymyna qarsy is-qımyl boıynsha aýqymdy is-sharalar júrgizilýde. Biz taýarlardy tolyqqandy rejımde qadaǵalaýdyń Ulttyq júıesin iske asyrýdy josparlap otyrmyz. 9 avto jáne 1 temirjol ótkizý pýnktin modernızatsııalaý bastaldy», - dedi mınıstr.

Onyń aıtýynsha, halyqaralyq tájirıbeni eskere otyryp, mınıstrlik iri bıznestiń gorızontaldy monıtorıngi boıynsha pılottyq joba júrgizýde. Kapıtaldy shetelge shyǵarýǵa qarsy jáne ekonomıkany deofshorlaý boıynsha keshendi jumys qolǵa alynǵan.

«Ekonomıkalyq yntymaqtastyq jáne damý uıymymen jáne Ulttyq bankpen elektrondyq málimetter almasý aıasynda kópjaqty konventsııaǵa qol qoıdyq. Osy jyldan bastap 100-den astam ıýrısdıktsııada azamattarymyzdyń qarjylyq shottary boıynsha aqparat almasýdy bastaımyz. Sonymen qatar, transferttik baǵa belgileý zańnamasyn odan ári jetildirý josparlanýda», - dedi Erulan Jamaýbaev.


Joǵary qaraı