Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«100 jańa oqýlyq» jobasy qazaq tilinde damı qoımaǵan jańa salalardy ashty

2021 jyldyń 22 qyrkúıek 2021 12:28

NUR-SULTAN. QazAqparat – «100 jańa oqýlyq» jobasy qazaq tilinde damı qoımaǵan jańa salalardy ashty. Bul týraly QR Prezıdenti janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komıssııanyń keńeıtilgen májilisinde QRO Memlekettik hatshysy Qyrymbek Kósherbaev aıtty, dep habarlaıdy QazAqparat tilshisi.

«Osy jobanyń arqasynda biz qazaq tilinde damı qoımaǵan birqatar múlde jańa salalardy ashtyq. Ekonomıks, mıkro jáne makroekonomıka, menedjment jáne marketıng, qarjylyq saýattylyq, aǵylshyn zańy, statıstıka, sandyq jáne sapalyq zertteýler ádisteri, etıka men estetıka, antropologııa, ınternet psıhologııasy, medıa etıka, óner tarıhy, teatr jáne kıontaný, stsenarıstıka sekildi tutas jańa baǵyttar paıda boldy», - dedi ol.




Memlekettik hatshy Nobel syılyǵynyń laýreaty Bertran Rasseldiń «Batys fılosofııasynyń tarıhy», Ernst Gombrıhtiń ataqty «Óner tarıhy», búkil álem oqıtyn Fılıpp Kotlerdiń «Marketıng prıntsıpteri», Endrıý Heıvýdtyń «Saıasattanýy» alǵash ret qazaq tilinde jaryq kórgenin atap ótti.

«Bul - úlken eńbek, zor jetistik, qazaq qoǵamy úshin úlken olja. Bul - bizdiń jastarymyzǵa jasalǵan keremet múmkindik. bilim berý júıesine jasalǵan qoldaý jáne árıne, ana tilimizdi damytýǵa qosylǵan zor úles. Aýdarma arqyly ózge tilden jańa mazmun alý óte mańyzdy. Sonymen qatar óz erekshelikterizdi, qazaq mádenıetin, rýhanııatyn basqa tilderde tanystyrý, álemge nasıhattaý da mańyzdy. Bul alys-beris ekijaqty bolǵany durys. Bul baǵytta da Ulttyq aýdarma bıýrosy arqyly birneshe kólemdi, sátti jobalardyń iske asqanyn da atap ótý kerek, 60 qazaqstandyq aqyn-jazýshynyń tańdamaly shyǵarmalary BUU-nyń 6 resmı tiline aýdarylyp, osy 6 tilde sóıleıtin 90 eldiń kitaphanalaryna taratyldy. Ótken jyly Memlket basshysy Qasym-Jomart Toqaevtyń tapsyrmasymen Abaıdyń 175 jyldyǵyna oraı uly aqynnyń jınaqtary álemniń 10 tiline aýdarylyp, tarataldy», - dedi Qyrymbek Kósherbaev.











Joǵary qaraı