Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«100 jańa oqýlyq» jobasy qazaq tiliniń ǵylymı áleýetin arttyrdy – Qyrymbek Kósherbaev

2021 jyldyń 22 qyrkúıek 2021 10:35

NUR-SULTAN. QazAqparat – Elordada QR Prezıdenti janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komıssııanyń keńeıtilgen májilisi ótip jatyr, dep habarlaıdy QazAqparat tilshisi.

«Ózderińiz biletindeı, QR Tuńǵysh Prezıdenti – Elbasy Nursultan Nazarbaevtyń bastamasymen qolǵa alynǵan «Rýhanı jańǵyrý» baǵdarlamasy aıasynda «Jańa gýmanıtarlyq bilim. Qazaq tilindegi 100 jańa oqýlyq jobasy» iske asyryldy. Atalǵan jobanyń arqasynda qazaqstandyq gýmanıtarlyq bilim salasy tolyqtaı jańaryp, jańa deńgeıge kóterildi. Dúnıjúziniń aldyńǵy qatarly oqý oryndarynyń eń bedeldi ǵalymdary daıyndaǵan oqý quraldary qazaq tiline aýdarylyp, elimizdiń barlyq oqý oryndaryna jetti. Álemniń eń ozyq ýnıversıtetteriniń oqý mazmuny jarty mıllıonnan asa qazaqstandyq stýdenttiń qolyna tıdi. Ýnıversıtetterimizdiń oqý baǵdarlamalaryna kirdi. Bul turǵydan «Rýhanı jańǵyrý» baǵdarlamasy men «100 jańa oqýlyq» jobasy «Bolashaq» baǵdarlamasynyń jalǵasy ispettes. Sonymen birge bul bastama qazaq tiliniń jańa qoǵamyna saı jańa bilimmen 21 ǵasyr azamattaryn qajetti aqparatpen tolyqtyrdy. Tilimizdiń ǵylymı áleýeti artty», - dedi keńeıtilgen májilisti ashqan QR Memlekettik hatshysy Qyrymbek Kósherbaev.







Sondaı-aq onyń aıtýynsha, «100 jańa oqýlyq» jobasynyń arqasynda kásibı, akademııalyq jáne kórkem aýdarmashylar ortasy qalyptasty. Ózindik jumys tehnologııasy, stıli, termınologııasy bar aýdarma mektebi paıda boldy. Jobaǵa qatysqan júzdegen maman kásibı shyńdalyp, aýdarmashy ǵana emes ustaz, ǵalym, zııaly orta ókili retinde jańa qyrynan tanyldy.

«Osynyń barlyǵy biz el retinde qysqa ǵana ýaqytta qol jetkizgen, biraq, bizdiń rýhanııatymyzǵa kóp jyl jemisin beretin naqty jumystyń aýyz toltyryp aıtarlyq nátıjesi deýge ábden bolady», - dedi Memlekettik hatshy.


















































Joǵary qaraı