Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

119 sý arnasy tsıfrlandyrylyp, 39 sý qoımasy salynady

2021 jyldyń 14 maýsym 2021 13:11

NUR-SULTAN. QazAqparat – 2030 jylǵa deıin elimizde apattyq jaǵdaıda turǵan 29 sý qoımasy kúrdeli jóndeýden ótip, 39 jańa sý qoımasy salynady, dep habarlaıdy QazAqparat tilshisi.

Bul týraly halyq aldynda eseptik kezdesýinda Ekologııa, geologııa jáne tabıǵı resrýrstar mınıstri Maǵzum Myrzaǵalıev aıtty,

«Memleket basshysy sýarmaly jer kólemin búgingi 1,6 mln gektardan 2030 jylǵa qaraı 3 mln gektarǵa deıin ulǵaıtýdy tapsyrǵan. Byltyr 813 shaqyrym kanal jóndelip, 53,5 myń gektar sýarmaly jer aınalymǵa engizildi. Bul qosymsha 26 myń jumys ornyn qurýǵa jáne aýyl sharýashylyǵy óniminiń kólemin jyl saıyn 30 mlrd teńgeden astam somaǵa ulǵaıtýǵa múmkindik beredi. Bıyl sýarmaly jer 78 myń gektarǵa artady», - dedi vedomstvo basshysy.

Mınıstrdiń sózine qaraǵanda 2025 jylǵa deıin sýarmaly jerlerdiń aýdanyn 2,2 mln gektarǵa deıin jetkizý josparlanǵan. Ol úshin aldaǵy 5 jyl ishinde jalpy uzyndyǵy 4,5 myń shaqyrymnan asatyn arnalardy qaıta jańartý qajet.

«Bul aýyldy jerde 120 myń jumys ornyn qurýǵa jáne jyl saıyn 510 mlrd teńgeniń ónimin ósirýge yqpal etedi. Budan basqa, 41 apatty sý qoımalaryn qalpyna keltirý kózdelgen. Onyń ishinde 2017-2019 jyldary on 10 obekt paıdalanýǵa berildi. Ótken jyly eki obekt daıyn boldy. Bıyl segiz nysandy aıaqtaý josparlanýda. Qalǵan jıyrma bir 21 nysan 2025 jylǵa deıin iske asyrylady», - deıdi Mazum Myrzaǵalıev.


Joǵary qaraı