Aýa raıy
Astana 17 °S
Almaty 20 °S
valıýta baǵamy
USD 412.55
EUR 468.66
RUB 5.79
CNY 58.80

12 shilde kúngi aýa raıy boljamy

2020 jyldyń 12 shilde 2020 06:29

NUR-SULTAN. QazAqparat – 12 shilde kúni Qazaqstan aýmaǵynyń basym bóliginde qubylmaly aýa raıy saqtalady – naızaǵaı oınap, jańbyr jaýady. Respýblıkanyń tek ońtústik jartysynda jáne soltústik-batysta jaýyn-shashynsyz kún raıy kútiledi. Keı jerlerde jel kúsheıedi. Ońtústikte, ońtústik-batysta shańdy daýyl turyp, soltústikte jáne shyǵysta burshaq jaýýy yqtımal, dep habarlaıdy QazAqparat.

«Qazgıdromet» RMK málimetinshe, Aqmola jáne Soltústik Qazaqstan oblystarynyń keı jerlerinde naızaǵaı kútiledi. Kúndiz jeldiń kúshi 15-20 m/s artady. Burshaq jaýýy yqtımal.

Shyǵys Qazaqstan, Pavlodar oblystarynda naızaǵaı, burshaq boljanady. Jel 15-20 m/s kúsheıedi. Shyǵys Qazaqstan oblysynyń keı jerlerinde daýyl bolady.

Qaraǵandy oblysynyń keı jerlerinde jeldiń ekpini 15-20 m/s artady. Kúndiz naızaǵaı kútiledi.

Atyraý oblysynyń kúndiz keı jerlerinde naızaǵaı oınap, 15-20 m/s jyldamdyqta jel turady.

Jambyl, kúndiz Túrkistan, Mańǵystaý oblystarynda jel 15-20 m/s kúsheıedi. Túrkistan, Mańǵystaý oblystarynda shańdy daýyl kóteriledi.

Qyzylorda oblysynda túnde keı jerlerde, kúndiz basym bóliginde jel 15-20 m/s kúsheıedi, shańdy daýyl turady.

Kúndiz Qyzylorda, Mańǵystaý oblystarynda, Aqmola, Qostanaı, Atyraý, Batys Qazaqstan, Aqtóbe oblystarynda qatty ystyq kútiledi.

Atyraý oblysynda, Qyzylorda, Túrkistan, Jambyl, Almaty oblystarynyń keı jerlerinde, Aqtóbe oblysynyń ońtústiginde, Qaraǵandy oblysynyń batysynda joǵary órt qaýpi saqtalady.

Basty sózder: Qazgıdromet, Qoǵam, Aýa raıy,
Joǵary qaraı