Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

الماتىدا جاس ءوسپىرىم قىز 12-قاباتتان سەكىرىپ كوز جۇمدى

2021 jyldyń 2 jeltoqsan 2021 21:56

الماتى. قازاقپارات - الماتىدا جاس ءوسپىرىم قىز ءوز-وزىنە قول جۇمسادى، دەپ حابارلايدى قازاقپارات ءتىلشىسى.

قىزدىڭ 12-قاباتتان سەكىرگەنى جايلى ۆيدەو مەن فوتو الەۋمەتتىك جەلىدە تارادى. وسىعان بايلانىستى الماتى قالالىق پوليتسيا دەپارتامەنتى مالىمەت بەردى.

وعان سەنسەك، قايعىلى وقيعا كەشكى ساعات 16:00 شاماسىندا المالى اۋدانىندا بولعان.

«اتالعان دەرەك قازاقستان رەسپۋبليكاسى قىلمىستىق كودەكسىنىڭ 105-بابى بويىنشا سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەلدى. وقيعانىڭ سەبەپتەرى مەن ءمان-جايى انىقتالىپ جاتىر»، - دەپ حابارلادى پوليتسيادان.

بۇعان دەيىن الماتىدا 28 جاستاعى ايەل مەن ونىڭ 2015، 2016 جانە 2019-جىلى تۋعان ءۇش كىشكەنتاي بالاسى 9-قاباتتىڭ تەرەزەسىنەن سەكىرىپ كەتكەن بولاتىن. ايەل مەن ەكى بالاسى وقيعا ورنىندا كوز جۇمدى. تاعى ءبىر بالا جەدەل جاردەم كولىگىندە قايتىس بولدى.

كەيىن ايەلدىڭ ءولىم الدىنداعى قوشتاسۋ حاتى تابىلدى.

Basty sózder: ايماق,
Joǵary qaraı