Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

13 mamyr. Aýa raıy boljamy

2021 jyldyń 13 mamyr 2021 04:30

NUR-SULTAN. QazAqparat - 13 mamyrda Qazaqstannyń batys, shyǵys jáne soltústik-shyǵys bólikterinde qubylmaly aýa raıy saqtalady; jańbyr jaýyp, naızaǵaı bolady. Bul týraly «Qazgıdromet» RMK baspasóz qyzmeti habarlaıdy.

Respýblıkanyń qalǵan aımaqtary joǵary atmosferalyq qysym alqabynda bolǵandyqtan aýa raıy kóbinese jaýyn-shashynsyz bolady. Respýblıka boıynsha keı jerlerde jel kúsheıedi, ońtústik jáne soltústikte – tuman, ońtústik batysta – shańdy daýyl kútiledi, shyǵysta burshaq jaýýy yqtımal.

Túrkistan, Mańǵystaý oblystarynyń keı jerlerinde shańdy daýyl bolyp, jel 15-20 m/s, Túrkistan oblysynda jeldiń ekpini 23 m/s kúsheıýi kútiledi.

Túnde jáne tańerteń Soltústik Qazaqstan oblysynyń keı jerlerinde tuman baqylanyp, kúndiz jeldiń kúshi 15-20, ekpini 23 m/s kúsheıýi kútiledi.

Jambyl, Atyraý, Pavlodar, kúndiz Aqmola, Qyzylorda, Batys Qazaqstan, Qostanaı, Qaraǵandy, Shyǵys Qazaqstan oblystarynyń keı jerlerinde jel 15-20 m/s kúsheıedi, Jambyl oblysynda – tuman baqylanyp, kúndiz Shyǵys Qazaqstan oblysynda burshaq jaýýy yqtımal, Qyzylorda oblysynda shańdy daýyl kútiledi.

Qyzylorda oblysynyń keı jerlerinde, Almaty oblysynyń jekelegen aýdanynda óte joǵary órt qaýpi kútiledi.

Basty sózder: Qazgıdromet, Aýa raıy,
Joǵary qaraı