Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

13 maýsym. QazAqparat kúntizbesi

2021 jyldyń 13 maýsym 2021 07:00

NUR-SULTAN. QazAqparat – QazAqparat oqyrmandaryna 2021 jylǵy 13 maýsymǵa arnalǵan kúntizbesin usynady.

ATAÝLY KÚNDER

Qazaqstanda jeńil ónerkásip qyzmetkerleri kúni

Jyl saıyn maýsymnyń ekinshi jeksenbisinde QR Prezıdentiniń 2011 jylǵy 20 qazandaǵy Jarlyǵyna sáıkes atap ótiledi. 2011 jyldyń 13 jeltoqsanyndaǵy «Qazaqstan Respýblıkasyndaǵy merekeler týraly» Zańynyń 4-babyna sáıkes bekitildi. Sondaı-aq, bul kúndi Belarýs, Reseı jáne Ýkraına elderi de atap ótedi.

Halyqaralyq albınızm týraly aqparat taratý kúni

BUU Bas Assambleıasynyń 2014 jylǵy 18 jeltoqsandaǵy A/RES/69/170 qararymen bekitilgen. 2015 jyldan beri jyl saıyn toılanady.

Albınızm – terige, shashqa, kózdiń shatyrsha qabyǵyna tús berip turatyn melanın pıgmentiniń týmysynan bolmaýy arqyly kórinis tabatyn aýrý. Ol adam organızminde múlde bolmaýy da, tapshy bolýy da múmkin.


ESTE QALAR OQIǴALAR


1994 jyly Qazaqstannyń otyn-energetıka áleýetin paıdalaný salasyndaǵy memlekettik saıasatty tıimdirek júrgizý maqsatynda QR Energetıka jáne otyn resýrstary mınıstrligi ekige bólinip, Energetıka jáne kómir ónerkásibi mınıstrligi men Munaı jáne gaz ónerkásibi mınıstrligi quryldy.

1996 jyly Elbasy Nursultan Nazarbaevtyń Jarlyǵymen energetık, tehnıka ǵylymynyń doktory, professor, Qazaq SSR ǴA-nyń akademıgi, Qazaq SSR-nyń eńbek sińirgen ǵylym qaıratkeri, Qazaq SSR Memlekettik syılyǵynyń laýreaty Shafyq Shókınge «Halyq qaharmany» ataǵy berildi.

2011 jyly Qazaqstan sportynyń tarıhynda alǵash ret Azııa tennıs federatsııasy dırektorlar keńesine Qazaqstan tennıs federatsııasynyń ókili, federatsııanyń vıtse-prezıdenti Ádil Bórlibaev kirdi.

2011 jyly Almatyda «Er Tóstik» anımatsııalyq fılmderiniń І Qazaqstandyq festıvali ótti. Ol Qazaqstandaǵy anımatsııa damýynyń problemalaryna nazar aýdartý úshin uıymdastyrylǵan. Uıymdastyrýshysy – Sháken Aımanov atyndaǵy «Qazaqfılm» AQ.

2012 jyly Astanadaǵy QR Ulttyq akademııalyq kitaphanada Mıhaıl Terentevtiń (1837-1909) «Istorııa zavoevanııa Sredneı Azıı s kartamı ı planamı» atty úsh tomdyq eńbeginiń faksımıldik basylymy tanystyryldy. Kitap alǵash ret 1906 jyly Sankt-Peterbýrg qalasynda jaryq kórgen. Kitaptyń túpnusqasy QR UAK sırek kitaptar men qoljazbalar qorynda saqtaýly.

2013 jyly QR Prezıdenti Nursultan Nazarbaevtyń Ózbekstan Respýblıkasyna resmı sapary barysynda Qazaqstan Elshiliginiń jańa ǵımaraty men Tashkenttegi «Abaı» eskertkishiniń ashylýyna qatysty. Qazaqstan men Ózbekstan arasyndaǵy dıplomatııalyq qarym-qatynas 1992 jyldyń 23 qarashasynda ornaǵan. Ekijaqty qarym-qatynas Máńgilik dostyq týraly kelisim jáne Ekonomıkalyq yntymaqtastyqty tereńdetý týraly kelisim qujattaryna negizdelgen.

2014 jyly Shvetsııanyń Ienchepıng qalasyndaǵy Ist Vettern Skarp bıosferalyq qoryǵy aýmaǵynda ıÝNESKO-nyń «Adamzat jáne bıosfera» baǵdarlamasy aıasynda Halyqaralyq úılestirýshi keńes otyrysy ótti. Keńes barysynda Dúnıejúzilik bıosferalyq qoryqtar jelisine «Qatonqaraǵaı» memlekettik ulttyq tabıǵı parki men «Aqjaıyq» bıosferalyq aýmaǵy engizildi.

2014 jyly Ystanbulda Qazaqstannyń QR Investıtsııalar jáne jańa tehnologııalar mınıstrligi Tehnıkalyq retteý jáne metrologııa komıtetine Standarttaý jónindegi Eýropalyq komıtettiń (SEN) jáne Standarttaý jónindegi Eýropalyq elektrotehnıkalyq komıtettiń (SENELEK) tolyq quqyqty organy-seriktesi mártebesi berildi. SENELEK prezıdenti Tore Torndvold Qazaqstannyń SENELEK seriktes mártebesin alǵan tuńǵysh memleket ekenin jáne SEN seriktes organy bolǵan tórtinshi memleket ekenin atap ótti.

2017 jyly Jýaly aýdanynyń Berikqara shatqalyndaǵy «Taý Samaly» týrıstik keshenine qaraı salynyp jatqan joldyń 3-shaqyrymynan bizdiń zamanymyzǵa deıingi II ǵasyrdan - bizdiń zamanymyzdyń V ǵasyry aralyǵyndaǵy kezeńge tán jerleý dástúrlerine tıesili tańǵajaıyp materıaldar tabyldy.

2017 jyly qazaqstandyq ánshi Dımash Qudaıbergen «2017 MTV Global Chinese Music Awards» baıqaýynyń «Úzdik sheteldik tanymal ánshi» atalymynda jeńimpaz boldy. Dımashtyń kandıdatýrasy baıqaýda «Úzdik sheteldik tanymal ánshi» jáne «Eń tanymal jańa ánshi» atalymdaryna usynylǵan bolatyn. Qazaqstandyq jas ónerpaz Qytaıdyń tanymal 8 estrada ánshisimen básekelesken edi.

2018 jyly Tarazdaǵy erte ıslam kezeńinde salynǵan eń kóne meshit restavratsııalanǵannan keıin Jambyl óńiriniń biregeı týrıstik nysany mártebesin aldy. Ejelgi meshittiń qaldyqtaryn 2006 jyly Á. Marǵulan atyndaǵy Arheologııa ınstıtýtynyń bir top mamany tapty. Buryn nestorıan hramy bolǵan ǵımarat VII ǵasyrda meshitke aınaldyrylǵan. Arheologııalyq qazba jumystary kezinde erte hrıstıan dininiń nestorıı baǵytyna jatatyn derekter tabyldy.

2019 jyly Malaızııada Qazaqstan-Malaızııa Іskerlik keńesi (QMІK) keńsesiniń resmı ashylýy ótti. Іs-shara aıasynda QMІK kezekti jumys otyrysy ótti, onyń barysynda qatysýshylar Qazaqstan men Malaızııada bıznes júrgizý múmkindikteri týraly tájirıbe almasyp, pikirlerimen bólisti.

2019 jyly Qazaqstanda Sybaılas jemqorlyqqa qarsy is-qımyl agenttigi quryldy. Onyń mindeti – sybaılas jemqorlyqqa qatysty qylmystyq quqyq buzýshylyqtardy anyqtaý, jolyn kesý, ashý jáne tergeý júrgizý.


Basty sózder: Kúntizbe,
Joǵary qaraı