Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

13 maýsym kúngi aýa raıy boljamy

2021 jyldyń 13 maýsym 2021 03:06

NUR-SULTAN. QazAqparat – 13 maýsym kúni Qazaqstannyń soltústik jáne ortalyq óńirlerinde jaýyn-shashynsyz aýa raıy saqtalady. Al eldiń qalǵan bóliginde atmosferalyq frontaldy bólikterdiń ótýimen qubylmaly kún raıy kútiledi: naızaǵaı oınap, jańbyr jaýady, Jambyl oblysynyń taýly aýdandarynda nóser jaýyn boljanady. Respýblıka boıynsha keı jerlerde jeldiń kúsheıýi, ońtústikte shańdy daýyl, eldiń batysynda burshaq bolady, dep habarlaıdy QazAqparat.

«Qazgıdromet» RMK málimetinshe, Jambyl oblysynyń keı jerlerinde naızaǵaı, daýyl, burshaq kútiledi. Jeldiń ekpini 23-28 m/s kúsheıedi.

Túrkistan oblysynyń keı jerlerinde naızaǵaı, shańdy daýyl boljanady. Jeldiń jyldamdyǵy 15-20, kúndiz 25 m/s artady.

Batys Qazaqstan oblysynyń keı jerlerinde naızaǵaı, burshaq kútiledi. Kúndiz jel 15-20 m/s kúsheıedi.

Almaty, Qaraǵandy, Mańǵystaý, Shyǵys Qazaqstan, Aqtóbe oblystarynyń keı jerlerinde naızaǵaı bolady. Jel 15-20 m/s artady.

Sondaı-aq kúndiz Batys Qazaqstan oblysynyń ońtústiginde qatty ystyq kútiledi.

Qyzylorda, Túrkistan, Almaty, Aqtóbe, Pavlodar oblystarynyń basym bóliginde, Jambyl, Qaraǵandy, Qostanaı, Aqmola oblystarynyń keı jerlerinde, Batys Qazaqstan, Shyǵys Qazaqstan oblystarynyń jekelegen aýdanynda tótenshe órt qaýpi saqtalady.


Basty sózder: Aýa raıy, Qazgıdromet,
Joǵary qaraı