Aýa raıy
Astana -2 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

14 qyrkúıek. QazAqparat kúntizbesi

2019 jyldyń 14 qyrkúıek 2019 07:00

NUR-SULTAN. QazAqparat - QazAqparat oqyrmandaryna 2019 jylǵy 14 qyrkúıekke arnalǵan kúntizbesin usynady.

ATAÝLY KÚNDER

Dúnıejúzilik alǵashqy medıtsınalyq kómek kórsetý kúni

Jedel járdem - búkil álemdegi adamdardyń ómirin saqtaýdaǵy sheshýshi faktorlardyń biri. 2000 jyldan bastap jyl saıyn qyrkúıektiń ekinshi senbisinde kóptegen elder Dúnıejúzilik alǵashqy medıtsınalyq kómek kórsetý kúnin atap ótedi (World First Aid Day). Ony ótkizýge ulttyq uıymdar - Halyqaralyq Qyzyl Krest jáne Qyzyl Jarty Aı qozǵalysynyń músheleri bastama bildirdi.

ESTE QALAR OQIǴALAR

1920 jyly Qazaqstan tarıhynda tuńǵysh ádilet halyq komıssary bolyp Ǵubaıdolla Álibekov taǵaıyndaldy. Ol basshylyq jasaǵan tusta qalyńmaldy toqtatý, barymta týraly jáne t.b. dekretterdiń eń alǵashqy jobalary jasaldy. 1920 jyldyń aıaǵyna taman onyń basshylyǵymen respýblıkada 231 sot jáne 111 tergeý ýchaskeleri quryldy.

1936 jyly Almatynyń shyǵys bóliginde Frýnze aýdany quryldy. 1980 jyly kórshiles jańa aýdannyń uıymdasýyna baılanysty munyń aýmaǵy jáne shekarasy ózgerdi. 1995 jylǵy jeltoqsannyń 12-inde Almaty qalalyq máslıhatynyń sheshimine sáıkes Medeý aýdany bolyp ózgertildi. Bul aýdan Almaty qalasyndaǵy eń ádemi jáne ulttyq sáýlet elementteri, tóńireginiń tabıǵat sulýlyǵy jáne qurylys ındýstrııasynyń jetistikteri úlken talǵampazdyqpen úndestik tapqan aýdandardyń biri bolyp esepteledi.

1996 jyly Qazaqstan Respýblıkasynyń Prezıdenti Nursultan Nazarbaevtyń Jarlyǵymen Qazaqstan Respýblıkasynyń Memlekettik salyq komıteti quryldy. QR Prezıdentiniń 1997 jylǵy 4 naýryzdaǵy Jarlyǵymen QR Memlekettik salyq komıteti taratyldy. Menshik pen isterdi basqarý jónindegi fýnktsııalar men ókilettikter QR Qarjy mınıstrligine berildi.

1997 jyly Óskemendegi Krasnooktıabrskaıa kóshesine Muhtar Áýezovtiń 100 jyldyǵyna oraı jazýshynyń aty berildi.

1999 jyly Almatyda AÓSShK-ǵa múshe memleketterdiń syrtqy ister mınıstrleriniń alǵashqy kezdesýi boldy. Shara aıasynda AÓSShK-ǵa múshe memleketter arasyndaǵy qatynastardy retteıtin prıntsıpter Deklaratsııasy qabyldandy.

2003 jyly Qazaqstan Respýblıkasy Prezıdenti N.Nazarbaev Atyraý oblysynyń Mahambet aýdanyna sapary barysynda jańa meshittiń jáne Mahambet Ótemisuly atyndaǵy aımaqtyq-tarıhı murajaıdyń ashylý saltanatyna qatysty.

Osy kúni Atyraý qalasynda ıÝNESKO sheńberinde atap ótilgen Mahambet Ótemisuly mereıtoıyna arnalǵan halyqaralyq ǵylymı-tájirıbelik konferentsııa bastaldy.

2012 jyly Taldyqorǵanda Qazaqstan KP OK birinshi hatshysy Dinmuhamed Qonaevtyń eskertkishi ashyldy.

Músinshisi — Qazaqstanǵa eńbegi sińgen sáýletker Qabı Baýlyqov.

2016 jyly Almatyda Tótenshe jaǵdaılar jáne apattar qaýpin azaıtý ortalyǵy ashyldy. Ortalyqtyń ashylý saltanatyna Qazaqstan Respýblıkasy men Qyrǵyz Respýblıkasynyń tótenshe jaǵdaılar salasyndaǵy ýákiletti organdarynyń basshylary, dıplomatııalyq mıssııalardyń, BUU agenttikteriniń jáne halyqaralyq uıymdardyń ókilderi qatysty.

2016 jyly Rıo Paralımpıadasynda Qazaqstan qorjynyna tuńǵysh altyn medal salǵan Zýlfııa Ǵabıdýllına Paralımpıada oıyndary sportshylarynyń úzdik úshtigine endi. 50 jastaǵy sportshy erkin ádispen 100 metrge júzýde jeńimpaz atanǵan bolatyn.


Basty sózder: Kúntizbe,
Joǵary qaraı