Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

15 qańtar. Týǵan kún ıeleri

2022 jyldyń 15 qańtar 2022 08:10

NUR-SULTAN. QazAqparat – Búgin, ıaǵnı 15 qańtar kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER




66 jyl buryn
(1956) Qazaqstan Respýblıkasy Joǵary soty janyndaǵy Ádil sot akademııasynyń rektory Záýresh Hamıtqyzy BAIMOLDINA dúnıege keldi.

Aqmola oblysynda týǵan. Qaraǵandy memlekettik ýnıversıtetiniń zań faýltetin, Saratov zań ınstıtýty janyndaǵy aspırantýrany, AQSh-tyń Reno qalasynda Ulttyq sot kolledji janyndaǵy kýrsty bitirgen. 1985 jyldan E.A. Bóketov atyndaǵy Qaraǵandy memlekettik ýnıversıtetiniń zań fakýltetinde, oqytýshy, aǵa oqytýshy, dotsent, dekannyń orynbasary. 1994 jyldan – QR ádilet mınıstrligi Bas basqarmasy zańdy tulǵalardy tirkeý basqarmasynda ekonomıkalyq zańnama bóliminiń bastyǵy, basqarma bastyǵy. 1996 jyldan – Qazaq memlekettik zań ınstıtýtynyń kafedra meńgerýshisi, kásipkerlik-quqyqtyq fakýltetiniń dekany, dotsent, professor. 2005 jyldan – QR qorshaǵan ortany qorǵaý mınıstrliginiń normatıvtik-quqyqtyq qamtamasyz etý basqarmasynyń bastyǵy, normatıvtik-quqyqtyq qamtamasyz etý jáne halyqaralyq yntymaqtastyq departamenti dırektorynyń orynbasary. 2006 jyldan – QR Prezıdenti Ákimshiliginiń quqyq qorǵaý jáne sot júıesi máseleleri jónindegi bóliminiń bas sarapshysy, bas ınspektory. 2008-2012 jyldar aralyǵynda QR Prezıdenti Ákimshiligi memlekettik-quqyqtyq bóliminiń ınspektory, 2012-2017 jyldar QR Ádilet mınıstriniń orynbasary bolǵan. 2017-2019 jyldary Qazaqstan Respýblıkasy Ortalyq saılaý komıssııasynyń múshesi (OSK) bolǵan.

Qazirgi qyzmetinde – 2019 jyldyń qazanynan.

«Qazaqstan Konstıtýtsııasyna 10 jyl» (2005), «Astananyń 10 jyldyǵy» (2008), «Eren eńbegi úshin» (2008) medaldarymen marapattalǵan.




46 jyl buryn
(1976) qazaqstandyq saıasatker, «Kto est kto v Kazahstane» aqparattyq-baspa jobasynyń jetekshisi, Qazaqstan ómirbaıandyq entsıklopedııasynyń bas redaktory Danııar Rahmanuly ÁShІMBAEV dúnıege keldi.

Almaty qalasynda týǵan. «Turan» ýnıversıtetin bitirgen. 1990-1993 jyldary – Qazaqstan Respýblıkasy Ǵylym Akademııasy Ortalyq ǵylymı kitaphanasynyń kitaphanashysy. 1993-2000 jyldary – «Turan-Azııa» Holdıng-ortalyǵynyń menedjeri, bólim basshysynyń orynbasary, qarjylyq dırektory, vıtse-prezıdenti. 2000-2004 jyldary – «Repýtatsııa» kommýnıkatıvtik tehnologııalar ortalyǵynyń bas redaktory qyzmetterin atqarǵan.

1994 jyldyń maýsymynan – qazirgi qyzmetinde.

«Kto est kto v Kazahstane», «Kazahstan 90-h. Pravıtelstvo Kajegeldına: prıvatızatsııa, korrýptsııa ı borba za vlast», «Vybory-2004 v Kazahstane: shag za shagom», «Sotsıalno-polıtıcheskıe portrety gosýdarstv Tsentralnoı Azıı» kitaptarynyń avtory.




45 jyl buryn
(1977) Qazaqstan Respýblıkasynyń saıasat qaıratkeri Serik Saqboldauly ÁBDENOV dúnıege keldi.

Qaraǵandy oblysy Qarqaraly qalasynda týǵan. Qazaq quqyqtaný jáne halyqaralyq qatynastar ınstıtýtyn (1998) zańger mamandyǵy boıynsha; Qaraǵandy Qazaq tutynýshylar odaǵy ekonomıkalyq ýnıversıtetin (2004) ekonomıst mamandyǵy boıynsha bitirgen. 1998 jyldan – QR Ádilet mınıstrligi Normatıvtik quqyqtyq aktilerdi tirkeý basqarmasy bóliminiń bas mamany, bastyǵy. 2000 jyldan – zań saraptamasy bóliminiń bastyǵy, baqylaýjáne qujattyq aınalym basqarmasynyń bastyǵy, QR SІM apparaty jetekshisiniń orynbasary. 2003 jyldan – kommertsııalyq qurylymdarda jumys istegen. 2004 jyldan – QR Eńbek jáne halyqty áleýmettik qorǵaý mınıstrligi Eńbek jáne halyqty eńbekpen qamtamasyz etý departamenti dırektorynyń orynbasary, dırektory. 2007 jyldan – QR Eńbek jáne halyqty áleýmettik qorǵaý vıtse-mınıstri. 2009-2012 jyldar aralyǵynda Shyǵys Qazaqstan oblysy ákiminiń orynbasary. 2012-2013 jyldary – QR Eńbek jáne halyqty áleýmettik qorǵaý mınıstri. 2013 jyly «QazMunaıGaz» Ulttyq kompanııasy aktsıonerlik qoǵamy basqarma tóraǵasynyń keńesshisi. 2016-2018 jyldary «QazMunaıGaz» ulttyq kompanııasy» aktsıonerlik qoǵamy adam resýrstaryn basqarý boıynsha vıtse-prezıdenti bolǵan. «Qazaqstan temir joly» UK» AQ korporatıvtik máseleler jónindegi basqarma tóraǵasynyń orynbasary (2018-2021 jj.).




44 jyl buryn
(1978) Nur-Sultan qalasynyń ákimi Altaı Seıdiruly KÓLGІNOV dúnıege keldi.

ıAsaýı atyndaǵy Halyqaralyq Qazaq-Túrik ýnıversıtetin, Qazaqstan Respýblıkasy Prezıdenti janyndaǵy Memlekettik basqarý akademııasyn, «Bolashaq» baǵdarlamasy boıynsha Ulybrıtanııanyń Aberdın ýnıversıtetin bitirgen. Mamandyǵy – zańger, memlekettik jáne jergilikti basqarý magıstri, halyqaralyq kommertsııalyq quqyq magıstri. Eńbek jolyn 2001 jyly Bas prokýratýra janyndaǵy quqyqtyq statıstıka jáne arnaıy esepke alý komıtetiniń kadrlarmen jumys bóliminiń bas mamany, prokýrory bolyp bastady. 2002-2003 jyldary osy komıtettiń quqyqtyq statıstıkany qalyptastyrý basqarmasynyń prokýrory boldy. 2003-2007 jyldary Qazaqstan Respýblıkasy Memlekettik qyzmet isteri jónindegi agenttiginiń Astana qalasy boıynsha basqarmasy bastyǵynyń orynbasary qyzmetin atqardy. 2007-2008 jyldary Qazaqstan Respýblıkasy Ádilet mınıstrliginiń zań aktilerin jasaqtaý jáne taldaý basqarmasynyń bastyǵy. 2008-2010 jyldary «AlashMedıaGrýpp» JShS bas dırektorynyń quqyqtyq máseleler jónindegi orynbasary. 2010-2012 jyldary osy kezge deıin Qazaqstan Respýblıkasy Prezıdenti Ákimshiliginiń aımaqtyq-uıymdastyrý jáne memlekettik baqylaý jumystary bóliminiń memlekettik ınspektory bolyp qyzmet jasady. 2012-2013 jyldary BQO ákiminiń orynbasary qyzmetinde boldy. 2013-2016 jyldary Oral qalasynyń ákimi bolǵan. 2016-2019 jyldary Batys Qazaqstan oblysynyń ákimi bolǵan.

Qazirgi qyzmetinde – 2019 jyldyń maýsymynan.




Basty sózder: Qoǵam, Kúntizbe,
Joǵary qaraı