Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

15 qyrkúıek. QazAqparat kúntizbesi

2019 jyldyń 15 qyrkúıek 2019 07:00

NUR-SULTAN. QazAqparat - QazAqparat oqyrmandaryna 2019 jylǵy 15 qyrkúıekke arnalǵan kúntizbesin usynady.

ATAÝLY KÚNDER

Qazaqstanda Analar kúni

Qazaqstan Respýblıkasynyń Prezıdenti Nursultan Nazarbaevtyń bastamasymen 2012 jyly bekitildi. Sol jyly 8 naýryz merekesin toılaý qarsańynda otbasyndaǵy bereke men meıirimniń uıytqysy retindegi áıelderdiń róline erekshe baǵa berip, qazaqstandyq analarǵa syı kórsetý úshin arnaıy bir kúndi belgileý ıdeıasyn alǵa tartty. Sondaı-aq, Prezıdent qazaqstandyq analardy «úı jumystary saıabyrsyp, molshylyq kezeń bolatyn» kúz mezgilinde quttyqtaýdy usyndy. Kóp ýaqyt ótpeı Úkimet qaýlysymen Qazaqstan Respýblıkasy Prezıdentiniń 1998 jylǵy 20 qańtardaǵy «Qazaqstan Respýblıkasyndaǵy kásibı jáne ózge de meıramdar týraly» №3827 Jarlyǵyna tıisti ózgertýler engizildi. Oǵan sáıkes, elde jańa meıram - Analar kúni merekesi toılanatyn boldy. Mereke qyrkúıektiń úshinshi jeksenbisinde atalyp ótedi.

Halyqaralyq demokratııa kúni

BUU Bas Assambleıasynyń 2007 jylǵy 13 jeltoqsandaǵy úkimetterdiń demokratııany damytý men nyǵaıtýdaǵy kúsh-jigerlerin qoldaýǵa arnalǵan qararynda (№A/RES/62/7) jarııalanǵan. 2008 jylǵy 15 qyrkúıekten bastap atap ótiledi. Halyqaralyq demokratııa kúni Jańa jáne qaıta jańǵyrǵan demokratııa elderiniń halyqaralyq konferentsııasynyń usynysy boıynsha 1997 jylǵy Demokratııa týraly ortaq deklaratsııa qabyldanýyna baılanysty bekitilgen.

ESTE QALAR OQIǴALAR

1995 jyly Qazaqstan Respýblıkasy Prezıdenti Nursultan Nazarbaev «Qazaqstan Respýblıkasy astanasy týraly» zań kúshi bar Jarlyqqa qol qoıdy.

1996 jyly Almatydan 300 shaqyrym qashyqtyqta Almaty-Raıymbek tas joly boıyndaǵy Muratáli dep atalatyn úlken tóbege Raıymbek batyrǵa eskertkish ornatyldy. Eskertkish sáýletshi Q.Egizbaevtyń jobasy negizinde turǵyzyldy.

2001 jyly QR Prezıdenti N.Á.Nazarbaev Nıý-Iork pen Vashıngton qalalarynda oryn alǵan lańkestik oqıǵalarǵa baılanysty Almatydaǵy AQSh elshiliginde bolyp, Amerıka halqyna kóńil aıtty jáne resmı málimdeme jasap, lańkesterdiń aıýandyq isterin batyl aıyptady.

2005 jyly Elbasy Nursultan Nazarbaevtyń Jarlyǵymen «ıAdrolyq lańkestik aktilerimen kúres týraly halyqaralyq konventsııaǵa» Qazaqstan Respýblıkasy atynan qol qoıyldy.

Bul qujat memleketter arasyndaǵy turaqtylyqty qamtamasyz etý jáne halyqaralyq lańkestiktiń aldyn alý, jolyn kesý jáne ony joıý jónindegi sharalardy iske asyrý jáne halyqaralyq yntymaqtastyqty nyǵaıtý maqsatyn kózdeıdi.

2006 jyly Almaty qalasyndaǵy Muhtar Áýezovtiń muraıjaı-úıinde Mahmud ál-Qashǵarıdiń «Dıýanı luǵat at-Túrik» eńbeginiń orys tilindegi basylymynyń tusaýkeseri ótti.

«Dıýanı Luǵat at-Túrik» - túrik tilderiniń eń kóne sózdigi jáne Ortalyq Azııa órkenıetiniń tarıhy jaıly mańyzdy derekkózderdiń biri.

2011 jyly Astrahan oblysy Krasnoıarsk aýdany Shaǵyn Aral aýylynda Bókeıhan mavzoleıiniń qurylysy aıaqtaldy.

Mavzoleıdiń bıiktigi - 18 metr, eni - 12 metr.

2011 jyly Almatyda daryndy balalarǵa arnalǵan mýzykalyq mektep-ınternatynda aty ańyzǵa aınalǵan qazaq ánshisi Kúlásh Baıseıitovanyń eskertkishi ashyldy.

2016 jyly Almatyda belgili ánshi ári kompozıtor Batyrhan Shúkenovtiń ómiri men shyǵarmashylyǵyna arnalǵan fotokórme ashyldy. Kórmede buryn esh jerde jaryqqa shyqpaǵan júzge jýyq sýret kórsetildi.

2017 jyly ruh.kz «Rýhanı jańǵyrý» aqparattyq portalynyń tusaýy kesildi. Resýrs baǵdarlamalyq maqalanyń barlyq baǵytyn da qamtıdy. Ásirese, «Qazaqstannyń 100 jańa esimi» jobasynyń birinshi kezeńine erekshe nazar aýdarylǵan.

2017 jyly Shyǵys Qazaqstan oblysy Abaı aýdanynyń Qaraýyl aýylynda qazaqtyń uly aqyny Abaıdyń ákesi, «Abaı joly» roman-epopeıasynyń bas keıipkeriniń biri Qunanbaı sultanǵa arnalǵan eskertkish ashyldy.


Basty sózder: Kúntizbe,
Joǵary qaraı