Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

15 mamyr halyqaralyq mýkopolısaharıdoz aýrýy kúni

2021 jyldyń 15 mamyr 2021 07:38

ALMATY. QazAqparat - 15 mamyr halyqaralyq mýkopolısaharıdoz aýrýy kúni. Osyǵan oraı Pedıatrııa jáne balalar hırýrgııasy ǵylymı ortalyǵynda onlaın formatta vıktorınalyq jarys ótti, dep habarlaıdy QazAqparat tilshisi.

Medıtsınada sırek kezdesetin syrqatty orfandyq aýrýlar dep ataıdy. Búgingi kúni ondaı aýrýdyń 7 myńnan astam túri bar. Kóp jaǵdaıda bul genetıkalyq. Osyndaı aýrýlar arasynda ınfektsııalyq, aýtoımmýndyq nemese ýytty sıpattaǵy túrleri kezdesedi. Sonyń biri – mýkopolısaharıdoz (MPS). Mýkopolısaharıdoz – tuqym qýalaıtyn gendik dert.





Pedıatrııa jáne balalar hırýrgııasy ǵylymı ortalyǵy men «Jańa ómir» qoǵamdyq qorynyń uıymdastyrýymen vıktorınalyq jarys ótti.

Sharaǵa elimizdiń ár óńirinen 30-dan asa orfandyq aýrýlar boıynsha aımaqtyq úılestirýshiler, pedıatrlar jáne jalpy tájirıbelik dárigerler qatysty.

MPS aýrýy boıynsha dárigerleriń bilimin arttyrý, biliktilikterin anyqtaý maqsatynda ótken saıysta qatysýshylar mýkopolısaharıdoz aýrýyn emdeý, dıagnostıkalaýǵa qatysty suraqtarǵa jaýap berip, bilimderin synady.




Baıqaý qorytyndysy boıynsha І oryndy Almatydaǵy №2 qalalyq balalar klınıkalyq aýrýhanasynyń dárigeri, orfandyq aýrýlar boıynsha Almaty qalasynyń úılestirýshisi Oljas Ábdirahmanov jeńip aldy.

Pedıatrııa jáne balalar hırýrgııasy ǵylymı ortalyǵy 2011 jyldan bastap sırek kezdesetin aýrýlar boıynsha úılestirýshi bolyp belgilengen.

«Sırek aýrýlary bar naýqastardy barynsha erte kezeńde anyqtaý úlken mańyzǵa ıe. Óıtkeni, onyń belgileri basqa túrli aýrýlardyń belgileri sııaqty bolýy múmkin. Sırek aýrýlardy qaraý boıynsha ortalyqta arnaıy zertteýler de júrgiziledi. Dıagnostıkalaý jolǵa qoıylyp keledi. 2009 jylǵa deıin orfandyq dárilerde tirkeý bolmaǵan. Qazir bul másele sheshimin taýym, óte qymbat turatyn preparattar memleket tarapynan tegin qamtamasyz etiledi»,-dep habarlady Pedıatrııa jáne balalar hırýrgııasy ǵylymı ortalyǵynyń baspasóz qyzmeti.

Ortalyq taratqan málimetke sáıkes, búgingi kúni Qazaqstan boıynsha mýkopolısaharıdoz dertine 74 adam shaldyqqan. Onyń 66 -sy bala. Klınıkada mýkopolısaharıdoz boıynsha respýblıkalyq úılestirý jumysyn Pedıatrııa ortalyǵynyń bilikti dárigeri Maıra Sháripova atqarady.








Avtor Alma Muqanova
Basty sózder: Medıtsına,
Joǵary qaraı