Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

15 maýsym kúngi aýa raıy boljamy

2021 jyldyń 15 maýsym 2021 01:18

NUR-SULTAN. QazAqparat – 15 maýsym kúni QR terrıtorııasynyń basym bóligi antıtsıklon yqpalynda bolǵandyqtan kóbine jaýyn-shashynsyz aýa raıy kútiledi. Elimizdiń tek batysy jáne ońtústik, ońtústik-shyǵystyń taýly aýdandarynda naızaǵaı, ótkinshi jańbyr, burshaq boljanady. Respýblıkanyń keı jerlerinde jel kúsheıip, ońtústik, ońtústik-batysta shańdy daýyl turady. Sonymen qatar ońtústik-batysta túńgi jáne tańǵy saǵattarda tuman bolady, dep habarlaıdy QazAqparat.

«Qazgıdromet» RMK málimetinshe, kúndiz Jambyl oblysynyń taýly aýdandarynda daýyl, burshaq kútiledi, keı jerlerde jel 15-20, 23-28 m/s kúsheıedi.

Mańǵystaý oblysynyń keı jerlerinde túnde jáne tańerteń tuman kútiledi, kúndiz shańdy daýyl, 15-20 m/s ekpinde jel bolady.

Túrkistan, Qyzylorda, Atyraý oblystarynda jeldiń kúshi 15-20 m/s quraıdy. Túrkistan oblysynda ekpini 25 m/s kúsheıedi. Túrkistan, Qyzylorda oblystarynda sondaı-aq shańdy daýyl kóteriledi.

Batys Qazaqstan, kúndiz Qaraǵandy, Shyǵys Qazaqstan, Aqtóbe oblystarynyń keı jerlerinde jel 15-20 m/s artady. Batys Qazaqstan oblysynda burshaq boljanady.

Sondaı-aq kúndiz Mańǵystaý, Atyraý, Batys Qazaqstan, Aqtóbe, Qostanaı oblystarynda, Qaraǵandy oblysynyń ońtústiginde qatty ystyq bolýy yqtımal.

Qyzylorda, Pavlodar oblystary, Túrkistan, Jambyl oblystarynyń basym bóliginde, Aqtóbe, Qostanaı, Qaraǵandy oblystarynyń keı jerlerinde, Almaty, Shyǵys Qazaqstan, Aqmola, Batys Qazaqstan oblystarynyń jekelegen aýdandarynda óte joǵary órt qaýpi kútiledi.

Basty sózder: Qazgıdromet, Aýa raıy,
Joǵary qaraı