Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

16 mln tonna munaıdy Kaspıı qubyryna balama joldarmen eksporttaı alamyz - mınıstr

2022 jyldyń 20 mamyr 2022 14:26

NUR-SULTAN. QazAqparat – QR Energetıka mınıstri Bolat Aqsholaqov munaı tasymaly boıynsha Kaspıı qubyryna balama marshrýttardyń syıymdylyǵyn keńeıtý múmkindikteri qarastyrylyp jatqanyn aıtty, dep habarlaıdy QazAqparat tilshisi.

«Kaspıı qubyr konsortsıýmyna keletin bolsaq, bul negizgi eksporttyq marshrýt. Negizgi jóndeý jumystary aıaqtaldy. Sońǵy eń shetki aılaq jospar boıynsha aıdyń sońyna deıin jóndeledi. Negizinde, marshrýt shtattyq rejımde 100 paıyzǵa jumys istep tur deýge bolady. Bizde balama joldar bar. Biraq Kaspıı qubyry sııaqty úlken kólemde emes. Óıtkeni jylyna 54 mıllıon tonna munaıdy tasymaldaıtyn balama joldy bir túnde tabý múmkin emes», - dedi vedomstvo basshysy Nur-Sultan turǵyndarymen kezesýinde.

Onyń sózine qaraǵanda, mundaı kólemdi ornalastyrý úshin kem degende úsh jyl qajet.

«Tipti Qytaıǵa jetizetin balama joldyń qýaty 20 mln tonna ǵana. Múmkindikti keńeıtemiz degen kúnniń ózinde Qytaı sonsha kólemde munaı alýǵa daıyn ba degen másele bar. Ol marshrýt boıynsha jalǵyz tutynýshy ǵana bar – Qytaı. Olardan basqa eshkim tutyna almaıdy.

Baký marshrýtyn balama retinde qalyptastyrý ınfraqurylym turǵysynan óte uzaq. Áýeli portty qalpyna keltirip, keıin kólemin ulǵaıta bastaý kerek bolady. Ekinshi quryq portyn ornatyp, munaı qubyryn tartý kerek. Tankerler tabý qajet. Kaspıdiń tabany taıaz bolǵandyqtan onda kez kelgen tanker júze almaıdy. Tek 12 myń tonnalyq tankerler ǵana júze alady», - dedi Bolat Aqsholaqov.

Sondaı-aq, ol Baký tarapy Qazaqstan tasymaldaıtyn kólemdegi munaıdy qabyldaýǵa daıyn bolmaýy múmkin ekenin eske saldy.

«Osynyń bárin eskersek bul másele óte kúrdeli. Biraq biz balama nusqalardy qoldanamyz. Búginde munaıdyń bir bóligin osy balama joldarǵa jóneltip jatyrmyz. Bul 16,5 mln tonnadaı bolady. Árıne, ol 54 mln tonna emes. Biz basqa baǵyttar boıynsha júk tasymaldaımyz. Sondyqtan bul máseleni túbegeıli sheshpeıdi. Biraq biz basqa da tásilderin qarap jatyrmyz», - dedi mınıstr.

Sharadan keıin BAQ ókilderiniń saýalyna bergen jaýabynda Kaspıı qubyryna balama jol tóseýdiń múmkindigi týraly túsinikteme berdi. Aıtýynsha, Baký baǵyty birneshe jyldyń ishinde ınfraqurylym tóseýge bolady. Biraq ony rezervte ustap turýdyń shyǵyny orasan kóp bolýy múmkin.

«Qubyrǵa qyzmet etý shyǵyndary bolady. Mysaly qubyr tósep, basqa eldiń aýmaǵyna port salyndy deıik. Ol portty jaldaý aqysyn munaı tasymaldasaq ta, tasymaldamasaq ta tódeý kerek bolady. Osyndaı túrli shyǵyndar bar. Qazir sonyń bárin zerdelep jatyrmyz», - dedi vedomstvo basshysy.

Osy aıdyń basynda Bolat Aqsholaqov «Kaspıı qubyr konsortsıýmy aqaýynan kelgen shyǵyn eleýli emes» ekenin málim etken edi.


Joǵary qaraı