Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

17 qańtar. Týǵan kún ıeleri

2021 jyldyń 17 qańtar 2021 08:10

NUR-SULTAN. QazAqparat - Búgin, ıaǵnı 17 qańtar kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER




84 jyl buryn (1937-2014) jazýshy, onnan astam povest pen áńgimeler jınaǵynyń avtory, Qazaqstan Jazýshylar odaǵynyń múshesi Engels Ǵabbasuly ǴABBASOV dúnıege keldi.

Batys Qazaqstan oblysyndaǵy Jalpaqtal aýdanynda týǵan. Fılologııa ǵylymynyń kandıdaty (1976), dotsent (1978). Oral pedagogıka ınstıtýtynyń orys tili men ádebıeti fakýltetin (1957), Almaty joǵary partııa mektebin (1966), KOKP OK janyndaǵy Qoǵamdyq ǵylymdar akademııasynyń aspırantýrasyn (1976) bitirgen. 1957-1968 jyldary muǵalim, komsomol jumysynda, 1966 jyldan Oral oblystyq partııa komıtetinde jaýapty qyzmette boldy. 1996 jyly QR Parlamentiniń depýtaty bolyp saılandy. «Qart shopan» atty alǵashqy áńgimesi «Prostor» jýrnalynda (1965) jarııalandy. Shyǵarmalaryn orys tilinde jazǵan.




69 jyl buryn (1952) memlekettik jáne qoǵam qaıratkeri Aıgúl Saǵadıbekqyzy SOLOVЬEVA dúnıege keldi.

Almaty oblysynda týǵan. Qazaq memlekettik ýnıversıtetin bitirgen, hımııa pániniń oqytýshysy. Tehnıka ǵylymdarynyń kandıdaty. 1970 - 1975 jyldary - Qazaq memlekettik ýnıversıteti, hımııa fakýlteti. 1983 - 1986 jyldary – aspırantýra, 1975 - 1979 jyldary - Qazaqstan Respýblıkasy Ǵylym akademııasy hımııa ǵylymdarynyń ınstıtýty, aǵa laborant, ınjener, totyq balqytpasy zerthanasynyń aǵa ınjeneri. 1979 - 1993 jyldary - Stromproekt ǴZI, sılıkattardyń fızıkalyq-hımııa zerthanasynyń kishi, aǵa, jetekshi ǵylymı qyzmetkeri; «Baıaý balqıtyn jáne metall emes materıaldar tehnologııasy» mamandyǵy boıynsha Kandıdattyq jáne doktorlyq keńesiniń ǵylymı hatshysy. 1993 - 2007 jyldary - «Bazalt-Int» JShS-nyń bas dırektory. 1983 - 1987 jyldary - Qazaqstannyń LKJO OK janyndaǵy Jas ǵalymdar men mamandar keńesiniń Respýblıkalyq ǵylymı - tehnıkalyq komıtetiniń tóraıymy. 1998 - 2002 jyldary - Qazaqstannyń Іsker áıelder qaýymdastyǵynyń Atyraýdaǵy fılıalynyń tóraıymy. 2000 - 2003 jyldary - Qazaqstan Sút jáne sút ónimderin óndirýshiler qaýymdastyǵynyń tóraıymy. 2003 - 2006 jyldary - Qazaqstan Sút Odaǵynyń teń tóraıymy; 2005 jyldan bastap «Atameken» QUEP» Úılestirý keńesiniń múshesi. 2006 jyldan bastap «Qazaqstan Azamattyq Alıansynyń» Úılestirý keńesiniń tóraıymy. 2007- 2011 jyldary tórtinshi saılanǵan QR Parlamenti Májilisiniń depýtaty. 2012-2016 jyldary besinshi saılanǵan Qazaqstan Respýblıkasy Parlamenti Májilisiniń depýtaty. «Nur Otan» Halyqtyq Demokratııalyq partııasynyń múshesi, partııalyq tizim boıynsha saılanǵan. Qazirgi qyzmetinde – 2016 jyldan bastap. «Eren eńbegi úshin» medalimen, «Qazaqstan Respýblıkasynyń Táýelsizdigine 10 jyl», «Qazaqstan Respýblıkasynyń Parlamentine 10 jyl», «Qazaqstan Respýblıkasynyń Táýelsizdigine 20 jyl» merekelik medaldarymen, «Qurmet» ordenimen marapattalǵan.




58 jyl buryn (1963) «Lıter-Aıqyn» JShS bas dırektory Nuraı Nurǵojauly ORAZOV dúnıege keldi.

Qostanaı qalasynda týǵan. S.Seıfýllın atyndaǵy Tselınograd pedagogıkalyq ınstıtýtyn (1985) orys tili men ádebıeti pániniń oqytýshysy mamandyǵy boıynsha; «Turan»ýnıversıtetin (2001) zańger mamandyǵy boıynsha bitirgen. Fılologııa ǵylymdarynyń kandıdaty (1997). 1985 jyldan - Tselınograd pedagogıkalyq ınstıtýtynyń oqytýshysy. 1990 jyldan - Abaı atyndaǵy Almaty memlekettik ýnıversıtetiniń aspıranty, aǵa oqytýshysy. 1998 jyldan -QR Mádenıet, aqparat jáne qoǵamdyq kelisim mınıstrliginiń bas mamany. 2000 jyldan - QR Premer-Mınıstri Keńsesiniń qujattyq qamtamasyz etý jáne baqylaý bóliminiń keńes berýshisi. 2002 jyldan - QR Mádenıet,aqparat jáne qoǵamdyq kelisim mınıstrligi Jastar saıasaty departamentiniń dırektory. 2004 jyldan - QR Prezıdentiniń Baspasóz qyzmeti jetekshisiniń orynbasary, QR Prezıdenti Ákimshiliginiń aqparattyq taldaý ortalyǵy meńgerýshisiniń orynbasary. 2006 jyldan - «KazEnergy» QQ saraptaý-taldaý tobynyń jetekshisi. 2007 jyldyń qańtarynan - QR Mádenıet jáne mınıstrligi Aqparat jáne muraǵat komıtetiniń tóraǵasy. 2007 jyldyń qazanynan - «Arna Medıa» Ulttyq aktsıonerlik holdıngi» AQ basqarýshy dırektory, basqarma tóraǵasynyń orynbasary. 2010 jyldyń naýryzynan - QR Aqparat mınıstrliginiń aqparat jónindegi vıtse-mınıstri. 2011 jylǵy qarashadan – «Nur Medıa» JShS bas dırektorynyń birinshi orynbasary. «Qazaqstan konstıtýtsııasyna 10 jyl» (2005), «Astananyń 10 jyldyǵy» (2008) medaldarimen marapattalǵan.


Basty sózder: Kúntizbe,
Joǵary qaraı