17 qarasha. Týǵan kún ıeleri

NUR-SULTAN. QazAqparat - Búgin, ıaǵnı 17 qarasha kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

80 jyl buryn (1940-2018) ǵalym, tarıhshy-arheolog, tarıh ǵylymdarynyń doktory, professor, Qazaqstan Respýblıkasy Ulttyq ǵylym akademııasynyń akademıgi, Berlındegi Nemis arheologııalyq ınstıtýtynyń korrespondent múshesi, Qazaqstan Respýblıkasynyń eńbek sińirgen ǵylym jáne tehnıka qaıratkeri Karl Moldahmetuly BAIPAQOV dúnıege keldi. Almaty oblysy Talǵar qalasynda týǵan. Lenıngrad memlekettik ýnıversıtetin bitirgen.

1963-1989 jyldary - Qazaq KSR Ǵylym akademııasy Sh.Ýálıhanov atyndaǵy Tarıh, arheologııa jáne etnografııa ınstıtýtynyń aspıranty, ǵylymı qyzmetkeri, aǵa ǵylymı qyzmetkeri, bólim meńgerýshisi, dırektordyń orynbasary boldy. 1989-1991 jyldary - Qazaq KSR Ǵylym akademııasy Shoqan Ýálıhanov atyndaǵy Tarıh, arheologııa jáne etnografııa ınstıtýty Arheologııalyq ortalyǵynyń jetekshisi qyzmetterin atqarady. 1991-2010 jyldary - Álkeı Marǵulan atyndaǵy Arheologııa ınstıtýtynyń dırektory qyzmetin atqardy. 2011-2016 jyldary «Qazaqstan arheologııa qoǵamy» QB tóraǵasy; 2016-2017 jyldary Mádenıetterdi jaqyndastyrý ortalyǵy dırektorynyń mindetin atqarýshy, 2017-2018 jyldary Á.Marǵulan atyndaǵy Arheologııa ınstıtýty ýrbanızatsııa jáne nomadızm bóliminiń meńgerýshisi boldy.

Qazaqstannyń orta ǵasyrlyq tarıhyn, qala men dala arasyndaǵy baılanysty zerttep, ǵylymda jańa baǵytty damytty. 40-tan asa monografııa, arheologııaǵa baılanysty 4 oqý quraly, 4 mektep oqýlyǵy, 12 albom jáne 500-den astam ǵylymı maqalalardyń avtory. Birneshe halyqaralyq konferentsııalarǵa qatysyp, ıÝNESKO uıymdastyrǵan «Jibek joly» halyqaralyq ekspedıtsııasyna Qazaqstan tarapynan jetekshilik etti. ıÝNESKO-nyń Orta Azııa tarıhymen aınalysatyn halyqaralyq ǵylymı komıteti men «Uly Jibek joly» Qazaqstan ulttyq komıtetiniń múshesi, Sh.Ýálıhanov atyndaǵy syılyqtyń laýreaty. «Parasat» ordenimen jáne medaldarmen marapattalǵan.

59 jyl buryn (1961) Almaty qalasy Almaly aýdanynyń ákimi Bekqalı Nurǵalıuly TORǴAEV dúnıege keldi.

Jambyl oblysy Merki aýdany Kırov atyndaǵy sovhozda týǵan. Almaty qalasyndaǵy Qazaq aýyl sharýashylyq ınstıtýtyn bitirgen. Eńbek jolyn Blagoveensk aýylyndaǵy Kók-Qaınar agronom bolyp bastady. Osy salada biraz jyldar qyzmet etti.

1998 jyldyń aqpan aıynan 2004 jyldyń jeltoqsanyna deıin Jambyl oblysy Baızaq aýdany ákiminiń birinshi orynbasary; 2004-2005 jyldary Jambyl oblysynyń ákimdiginde jer qatynastary basqarmasynyń bastyǵy qyzmetin atqardy. 2005 -2007 jyldary Almaty qalasy jer qatynastary basqarmasy bastyǵynyń orynbasary; 2007 jyldyń qańtarynda Almaty qalasy jer qatynastary basqarmasynyń bastyǵy bolyp taǵaıyndaldy. 2009 jyldyń tamyzynda Almaty qalasy Áýezov aýdany ákimi , 2015 jyldyń aqpanynda, Bostandyq aýdany ákimi boldy.

Qazirgi qyzmetinde – 2018 jyldyń qyrkúıek aıynan bastap.

2001 jyly «Qazaqstan táýelsizdigine 10 jyl» mereıtoıly medalimen marapattalǵan.

58 jyl buryn (1962) Jambyl oblysy ákiminiń orynbasary Ulan Erkinuly JAZYLBEK dúnıege keldi.

1984 jyly Almaty sáýlet jáne qurylys ınstıtýtyn «Injener-qurylysshy» mamandyǵy, al 2009 jyly Qonaev atyndaǵy ýnıversıtetti «Zańger» mamandyǵy boıynsha támamdaǵan.

Eńbek jolyn 1984 jyly bastaǵan ol ár jyldary kommertsııalyq qurylymdarda basshylyq qyzmetter atqardy. Memlekettik qyzmette de mol tájirıbege ıe. Almatydaǵy sáýlet-qurylys baqylaý departamentini sáýlet-qurylys baqylaý bóliminiń bas mamany, basshysy (2005-2009), «Qorǵas» halyqaralyq shekaralyq áriptestik ortalyǵy» AQ departament dırektory, «Qorǵas-servıs» JShS qurylys bóliminiń basshysy (2009-2011), Almaty qalasyndaǵy sáýlet-qurylys baqylaý jáne lıtsenzııalaý departamenti basshysynyń orynbasary (2011-2013), QR Óńirlik damý mınıstrliginiń Qurylys jáne turǵyn úı-kommýnaldyq sharýashylyq máseleleri jónindegi komıtet tóraǵasynyń orynbasary (2013-2014), QR Ulttyq ekonomıka mınıstrliginiń ınfraqurylym jáne ekonomıkany damytý departamentiniń dırektory (2014-2017) boldy. 2017 jylǵy shilde-qarashada Qazaqstan Respýblıkasy Investıtsııalar jáne damý mınıstrliginiń Qurylys salasyn jáne turǵyn úı-kommýnaldyq sharýashylyqty damytý departamentiniń dırektory bolyp jumys istedi, 2017 jylǵy qarashadan bastap 2020 jylǵy aqpanǵa deıin Pavlodar oblysy ákiminiń birinshi orynbasary laýazymyn atqardy.

Qazirgi qyzmetinde – 2020 jyldyń mamyr aıynan bastap.

44 jyl buryn (1976) Nur-Sultan qalasynyń Memlekettik arhıv dırektory Meıram Erkenuly BEKTEMBAEV dúnıege keldi.

Qaraǵandy qalasynda týǵan. E.A.Bóketov atyndaǵy Qaraǵandy memlekettik ýnıversıtetin bitirgen.

Eńbek jolyn 1998 jyly «Qaraǵandy oblysy boıynsha Jyljymaıtyn múlik ortalyǵy» RMK-nyń Jyljymaıtyn múlikke quqyqtardy memlekettik tirkeý bóliminiń jetekshi mamany bolyp bastaıdy. 2002 jyly Qazaqstan Respýblıkasy Ádilet mınıstrligi Tirkeý qyzmeti komıteti Jyljymaıtyn múlikke quqyqtardy jáne onymen jasalatyn mámilelerdi memlekettik tirkeý basqarmasynyń bas mamany boldy. 2002-2004 jyldary – «Astana qalasy boıynsha Jyljymaıtyn múlik ortalyǵy» RMK dırektorynyń orynbasary. 2004-2006 jyldary – «Qaraǵandy oblysy boıynsha Jyljymaıtyn múlik ortalyǵy» RMK-nyń qujattardy qabyldaý men berý jáne aqparattyq qyzmet kórsetý bóliminiń bastyǵy, bas ınjenerdiń orynbasary. 2006-2007 jyldary «Shyǵys Qazaqstan oblysy boıynsha Jyljymaıtyn múlik ortalyǵy» RMK dırektorynyń orynbasary, kadr jáne is júrgizý bóliminiń basshysy. 2007-2008 jyldary – «Hımııalyq qaýipsizdik jáne qaldyqtardy basqarý ulttyq ortalyǵy» QQ zań bóliminiń basshysy. 2008-2011 jyldary «QR SІM Sharýashylyq basqarmasy» RMQK-nyń «Dıplomat Stroı Servıs» JShS dırektory. 2011-2012 jyldary L.N.Gýmılev atyndaǵy Eýrazııa ulttyq ýnıversıtetiniń zań bóliminiń basshysy. 2012-2013 jyldary - QR QM «Qarjy júıesi organdarynyń mamandaryn daıarlaý, qaıta daıarlaý jáne biliktiligin arttyrý ortalyǵy» AQ vıtse-prezıdenti. 2013-2014 jyldary «Nazarbaev Ortalyǵy» MM dırektorynyń orynbasary. 2014 jyldan bastap «Qazaqstan Respýblıkasynyń Tuńǵysh Prezıdenti — Elbasy kitaphanasy» MM dırektorynyń orynbasary.