Aýa raıy
Astana -4 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

18 qarasha. Týǵan kún ıeleri

2020 jyldyń 18 qarasha 2020 08:08

NUR-SULTAN. QazAqparat - Búgin, ıaǵnı 18 qarasha kúni tanymal tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER




57 jyl buryn (1963) palýan, grek-rım kúresinen eńbek sińirgen sport sheberi, Qazaqstannyń eńbek sińirgen qaıratkeri, Qazaqstan jáne Qyrǵyzstan Respýblıkalarynyń eńbek sińirgen jattyqtyrýshysy Dáýlet Bolatuly TURLYHANOV dúnıege keldi.

Shyǵys Qazaqstan oblysynyń Jarma aýdanynda týǵan. Týrızm jáne sport akademııasyn, ál-Farabı atyndaǵy Qazaq ulttyq ýnıversıtetin bitirgen. Ol Qazaqstannyń jáne halyqaralyq týrnırlerdiń jeńimpazy, KSRO-nyń jeti dúrkin chempıony, KSRO halyqtary spartakıadasynyń kúmis júldegeri, jáne jeńimpazy, Eýropa chempıony, Álem chempıony jáne kúmis júldegeri, qola júldegeri, Álem kýbogynyń eki márte jeńimpazy, HІІ Azııa oıyndarynyń jeńimpazy, Azııanyń eki dúrkin chempıony, Olımpıada oıyndarynyń kúmis, qola júldegeri bolǵan. 1995-1999 jyldary eki márte Qazaqstan Respýblıkasy Parlamenti Májilisiniń depýtaty bolyp saılanǵan. 2000-2006 jyldary Týrızm jáne sport agenttiginiń tóraǵasy, Mádenıet, aqparat jáne sport mınıstrligi Sport komıtetiniń tóraǵasy qyzmetterin atqarǵan. Qyrǵyzstan Olımpıada qozǵalysyn damytýǵa sińirgen eńbegi úshin Olımpıadalyq ordenmen, FILA, QR Ulttyq Olımpıada komıtetiniń altyn medaldarymen, І dárejeli Uly Petr ordenimen, kóptegen medaldarmen marapattalǵan. Qazaqstannyń Eńbek sińirgen qaıratkeri (2000). ShQO Úrjar aýdanynyń qurmetti azamaty.




55 jyl buryn (1965) memleket qaıratkeri Vladımır Robertovıch BEKKER dúnıege keldi.

Ol ShQO Úrjar aýdany Blagodatnoe aýylynda týǵan. 1997 jyly Qazaqstan Respýblıkasy Іshki ister mınıstrligi Almaty joǵary tehnıkalyq ýchılıesin «Órt qaýipsizdigi» mamandyǵy boıynsha aıaqtady. 2005 jyly Shyǵys Qazaqstan óńirlik ýnıversıtetin «Zańtaný» mamandyǵy boıynsha aıaqtady. 1983 jylǵy qarasha men 1985 jylǵy jeltoqsan aralyǵynda KSRO Qarýly Kúshterinde qyzmet ótkerdi. Memlekettik órtke qarsy qyzmet organdarynda 1986 jylǵy qazannan bastap qyzmet atqardy. 1988 jyldan bastap 1991 jyl aralyǵynda memlekettik órtke qarsy qyzmet organdarynda orta jáne aǵa basshylyq quramda ártúrli laýazymdar atqardy. 1991 jylǵy jeltoqsannan bastap 2008 jylǵy qyrkúıek aralyǵynda memlekettik órtke qarsy qyzmet organdarynda basshylyq laýazymdardy atqardy. 2008 jylǵy qazannan bastap - Qazaqstan Respýblıkasy TJM Órtke qarsy qyzmet komıteti tóraǵasynyń orynbasary. 2014 jylǵy qazannan bastap - Qazaqstan Respýblıkasy Іshki ister mınıstrligi Tótenshe jaǵdaılar komıteti tóraǵasynyń orynbasary. 2016-2020 jyldary - Qazaqstan Respýblıkasy Іshki ister mınıstrligi Tótenshe jaǵdaılar komıtetiniń tóraǵasy. ІІ dárejeli «Aıbyn» ordenimen, «Qazaqstan Respýblıkasynyń táýelsizdigine 20 jyl» merekelik medalimen, І, ІІ, ІІІ dárejeli «Órtke qarsy qyzmet organdaryndaǵy minsiz qyzmet úshin», «Tótenshe jaǵdaılardyń aldyn alýda jáne joıýda úzdik shyqqany úshin», «Tótenshe jaǵdaılar organdarynyń ardageri» medaldarymen, «Otlıchnık protıvopojarnoı slýjby», «Tótenshe jaǵdaılar organdarynyń qurmetti qyzmetkeri» tósbelgilerimen marapattaldy.




35 jyl buryn (1985) «Rýhanı jańǵyrý» qazaqstandyq qoǵamdyq damý ınstıtýty Basqarma tóraǵasynyń orynbasary Artýr Saǵıdollauly NYǴMETOV dúnıege keldi.

Batys Qazaqstan memlekettik ýnıversıtetin (2007); Máskeý saıası zertteýler mektebin (2008) bitirgen. Shvetsııanyń SIPU International memlekettik jáne mýnıtsıpaldyq basqarý ınstıtýtynda taǵylymdamadan ótti.

Eńbek joly: Ortalyq Azııa ýnıversıtetiniń áleýmettik-saıası tártibi kafedrasynda oqytýshy (09.2007-11.2007); Oral qalasyndaǵy TDK-42 telearnasynda jańalyq qyzmetiniń redaktory, telebaǵdarlamalarynyń júrgizýshisi, avtory (01.2008-10.2008); RFE/RL Inc. Medıakorporatsııasynyń Qazaqstandaǵy ókildiginde tilshi, radıojúrgizýshi, PR qyzmetiniń basshysy (2008-2012); «Nazarbaev ortalyǵy» MM bas sarapshysy (01.2013-08.2013); «Nur Otan» QHP qoǵamdyq saıasat ınstıtýtynyń shtattan tys keńesshisi (2014-2015); «Smart Advice» kommýnıkatsııalyq tobynyń basqarýshy seriktesi (2014-2015); «Medıatehnologııalar ortalyǵy» jeke qorynyń dırektory (2015-2016); Qyzylorda oblysy ákiminiń qoǵamdyq-saıası máseleler jáne aqparattyq saıasat jónindegi keńesshisi (2016-2017); Ortalyq kommýnıkatsııalar qyzmetiniń basshysy (05.2017-08.2017).

Qazirgi qyzmetinde – 2020 jyldyń qańtarynan bastap.

«QR Táýelsizdigine 25 jyl» mereıtoılyq medalimen marapattalǵan. Jyl saıynǵy qoǵamdyq «Halyq súıiktisi» syılyǵynyń 2012 jyldyń qorytyndysy boıynsha «Eń úzdik pýblıtsıst» nomınatsııasynyń ıegeri;


Basty sózder: Kúntizbe,
Joǵary qaraı