Aýa raıy
Astana -11 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

18 qazan. Týǵan kún ıeleri

2020 jyldyń 18 qazan 2020 08:10

NUR-SULTAN. QazAqparat – Búgin, ıaǵnı 18 qazan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER




49 jyl buryn (1971) Qazaqstan memlekettik qaıratkeri, medıtsına ǵylymdarynyń doktory, iskerlik ákimshilendirý magıstri Eljan Amantaıuly BІRTANOV dúnıege keldi.

Jambyl qalasynda týǵan. Almaty memlekettik medıtsına ýnıversıtetin, Arızona shtatynyń ýnıversıtetin, Reseı dıplomnan keıingi medıtsınalyq bilim akademııasyn, Sharıte Ýnıversıtettik klınıkasyn (Germanııa), Turan ýnıversıtetin, Duke University, Fugua School of Business (AQSh), Global Executive MVA magıstratýrasyn bitirdi.

Almaty qalasynda jedel medıtsınalyq kómek aýrýhanasynyń reanımatolog-dárigeri, Respýblıkalyq toksıkologııa ortalyǵynyń basshysy, QR Densaýlyq saqtaý mınıstrliginiń bas toksıkology, QR Densaýlyq saqtaý mınıstrliginiń «Densaýlyq saqtaýdy damytý ınstıtýty» RMK dırektory, QR Premer-Mınıstriniń keńesshisi, «Ulttyq medıtsınalyq holdıng» AQ Basqarma tóraǵasynyń orynbasary, QR Densaýlyq saqtaý vıtse-mınıstri, «Ulttyq medıtsınalyq holdıng» AQ Basqarma tóraǵasy bolyp jumys istedi.

2014 jylǵy mamyrdan bastap – Memlekettik-jekeshelik áriptestik jobalaryn súıemeldeý ortalyǵy basqarmasynyń tóraǵasy. 2015-2017 jyldary – QR Densaýlyq saqtaý jáne áleýmettik damý vıtse-mınıstri.

Qazaqstan Respýblıkasynyń densaýlyq saqtaý isiniń úzdigi. Medıtsına ǵylymynyń doktory.

2017-2020 jyldary – QR Densaýlyq saqtaý mınıstri.




48 jyl buryn (1972) Shyǵys aımaqtyq áskerı prokýrory Arman Tileýberliuly ShITENOV dúnıege kelgen.

Qaraǵandy ​​oblysynda týǵan.

E.A. Býketov atyndaǵy Qaraǵandy ​​memlekettik ýnıversıtetiniń zań fakýltetin bitirgen.

Eńbek joly: Qaraǵandy ​​oblysy Temirtaý qalasy prokýrorynyń kómekshisi (2000); Qaraǵandy ​​qalasynyń Qazybek bı aýdany prokýrorynyń aǵa kómekshisi; Ortalyq óńirdiń áskerı prokýrory, Aqtóbe garnızony áskerı prokýrorynyń orynbasary; Pavlodar garnızonynyń áskerı prokýrory (2015-2018).

Qazirgi qyzmetinde – 2018 jyldyń maýsymynan bastap.


Basty sózder: Kúntizbe,
Joǵary qaraı