Aýa raıy
Astana 3 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

18 jastaǵy qazaqstandyq fýtbolshy Belarýstiń joǵary dıvızıon klýbyna aýysty

2020 jyldyń 18 qyrkúıek 2020 20:00

NUR-SULTAN. QazAqparat – 18 jastaǵy qazaqstandyq Aldaır Ádilov Belarýstiń «Energetık»-BGÝ joǵary dıvızıonynyń klýbymen kelisimshartqa otyrdy, dep habarlaıdy QazAqparat sport jýrnalısi Aıdyn Qojahmettiń Telegram-kanalyna silteme jasap.

Aldaır Ádilov 2017 jylǵa deıin «Astana» daıyndyq tobynyń júıesinde jattyqqan edi, keıinirek «Marset» ıspan akademııasyna aýysty. Belarýstiń «Energetık»-BGÝ fýtbol klýby bolashaǵynan úmit kúttiretin oıynshyǵa nazar aýdaryp, eki jaq kelisimshartqa qol qoıdy.

Aıta keteıik, Aldaır ortalyq jartylaı qorǵaýshy pozıtsııasynda oınaıdy. Ol tehnıkany jaqsy meńgergen jáne fýtbol alańynda ózin erkin ustaıdy. Sonymen qatar eńbeksúıgishtigimen de kózge túsken.

Belarýstiń iri aqparat agenttigi BELTA-nyń aıtýynsha, «Energetık»-BGÝ klýby Aldaır Ádilovpen kelisimshartqa otyrý jóninde túbegeıli sheshimge kelgen.

«Qazirgi tańda qujattar rásimdelýde. Jańa oıynshy kelesi aptanyń basynda, ıaǵnı dúısenbide komanda quramyna resmı túrde qosylady dep josparlanyp otyr», – deıdi BELTA.

«2 jyl buryn «Energetıkada»-BGÝ-da qazaqstandyqtar – jartylaı qorǵaýshy Vladıslav Vasılev pen qorǵaýshy Jahongır Hodjamov óner kórsetken bolatyn. Vasılev sol jerden «Dınamo-Brestke» kóterilip, qazir tańda «Rýhta« oıyn kórsetip júr» dep atap ótti Aıdyn Qojahmet.

Basty sózder: Belarýs, Sport,
Joǵary qaraı