Aýa raıy
Astana -3 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

19 qarasha. Týǵan kún ıeleri

2020 jyldyń 19 qarasha 2020 08:08

NUR-SULTAN. QazAqparat - Búgin, ıaǵnı 19 qarasha kúni tulǵalardan kimder dúnıege kelgen? QazAqparat oqyrmanǵa esimder kúntizbesin usynady.

ESІMDER




72 jyl buryn (1948) «Mıtsva» Qazaqstan Respýblıkasyndaǵy evreı ulttyq uıymdar qaýymdastyǵynyń prezıdenti, «Mıtsva» qaýymdastyǵy keńesiniń tóraǵasy, Qazaqstan halqy Assambleıasy keńesiniń múshesi Aleksandr Iosıfovıch BARON dúnıege keldi.

Almaty qalasynda týǵan. 1972 jyly Almaty memlekettik medıtsına ınstıtýtyn «pedıatr-dáriger» mamandyǵy boıynshy bitirdi.

Eńbek jolyn 1972 jyly temirjol aýrýhanasynda pedıatr-dáriger, anestezıolog-reanımatolog, ıne terapevti bolyp bastaǵan. 1992 jyldan beri «Mıtsva» Qazaqstan Respýblıkasyndaǵy evreı ulttyq uıymdar qaýymdastyǵynyń prezıdenti. 2013 jyldan beri Qazaqstan halqy Assambleıasy basshysynyń orynbasary, «Hesed Polına» respýblıkalyq qoǵamdyq birlesitigi keńesiniń tóraǵasy.




64 jyl buryn (1956) Qazastannyń memlekettik jáne qoǵam qaıratkeri Ermuhamet Qabıdınuly ERTІSBAEV dúnıege keldi.

Qaraǵandy oblysynda týǵan.

Qaraǵandy memlekettik ýnıversıtetin bitirgen. Saıasattaný ǵylymdarynyń doktory, professor.

Jumys tájirıbesin 1978 jyly Jezqazǵan pedagogıkalyq ınstıtýtynda assıstent bolyp bastaǵan. Lomonosov atyndaǵy MMÝ-de stajer-oqytýshy boldy, sonda aspırantýrany bitirip, dıssertatsııa qorǵaǵan. Saıasat tarıhy kafedrasynyń meńgerýshisi boldy. 1990-1994 jyldary - Respýblıka Joǵary Keńesiniń depýtaty. 1994-1998 jyldary - Qazaqstannyń Sotsıalıstik partııasy saıası atqarý komıtetiniń hatshysy. 1994-1998 jyldary - Qazaqstan Respýblıkasy Prezıdentiniń keńesshisi. 1998-2000 jyldary - Qazaqstan strategııalyq zertteý ınstıtýtynyń dırektory. 2000 jyly Memleket basshysy Ákimshiliginiń bólim meńgerýshisi bolyp jumys istedi. 2002 jyly Qazaqstan Respýblıkasy Prezıdentiniń keńesshisi. 2006 jyly qańtar aıynan bastap QR Mádenıet, aqparat jáne sport mınıstri. 2006-2008 jyldary QR Mádenıet jáne aqparat mınıstri. 2008 jyly mamyr aıynan Qazaqstan Respýblıkasy Prezıdentiniń keńesshisi. QR Prezıdenti janyndaǵy memlekettik saıasat jónindegi Ulttyq keńestiń múshesi. 2013-2017 jyldary QR-nyń Grýzııadaǵy Tótenshe jáne Ókiletti elshisi boldy. 2017-2019 jyldary QR-nyń Belarýs Respýblıkasyndaǵy Tótenshe jáne Ókiletti elshisi, TMD jarǵylyq organdary janyndaǵy turaqty ókili.

«Qurmet», «Parasat»» jáne ІІІ dárejeli «Sińirgen eńbegi úshin» (Ýkraına) ordenderimen, «Astanaǵa 10 jyl» merekelik medalimen marapattalǵan.




58 jyl buryn (1962) «Qazaqstan temir joly» Ulttyq kompanııasy» AQ basqarma tóraǵasy Saýat Muhametbaıuly MYŃBAEV dúnıege keldi.

Almaty oblysynda týǵan. 1985 jyly M.V.Lomonosov atyndaǵy Máskeý memlekettik ýnıversıtetin «ekonomıst-kıbernetık» mamandyǵy boıynsha bitirip shyqty.

1995-1998 jyldary Qazaqstan Respýblıkasy Qarjy mınıstrliginde mınıstrdiń orynbasary, mınıstrdiń birinshi orynbasary, birinshi vıtse-mınıstr qyzmetterin atqardy. 1998 jyly Qazaqstan Respýblıkasy Qarjy mınıstri, 1999 jyly Qazaqstan Respýblıkasy Prezıdentiniń Ákimshiligi Basshysynyń orynbasary bolyp taǵaıyndaldy. 1999 jyly shilde aıynda Qazaqstan Respýblıkasy Aýyl sharýashylyǵy mınıstri boldy. 2001-2002 jyldary «Qazaqstannyń Damý banki» JAQ prezıdenti qyzmetin atqardy. 2002 -2003 jyldary - «Kaspıı Ónerkásip - Qarjylyq toby» JShS bas dırektory. 2003 jylǵy maýsymnan 2004 jylǵy jeltoqsanǵa deıin - Qazaqstan Respýblıkasy Premer-Mınıstriniń orynbasary. 2004 jylǵy jeltoqsan aıynan Qazaqstan Respýblıkasynyń Indýstrııa jáne saýda mınıstri. 2006-2007 jyldary «Samuryq» Qazaqstannyń memlekettik aktıvterin basqarý jónindegi holdıng» AQ basqarmasynyń tóraǵasy. 2007-2010 jyldary - QR energetıka jáne mıneraldyq resýrstar mınıstri. 2010-2013 jyldary - QR munaı jáne gaz mınıstri. 2013-2018 jyldary «QazMunaıGaz» Ulttyq kompanııasy» AQ basqarma tóraǵasy.

Qazirgi qyzmetinde - 2018 jylǵy qarashadan beri.

ІІІ dárejeli «Barys» jáne «Dostyq» ordenderimen, medaldarmen marapattalǵan.




58 jyl buryn (1962) QR memlekettik qaıratkeri Nurlan Shádibekuly ALDABERGENOV dúnıege keldi.

Almaty sáýlet-qurylys ınstıtýtyn, V.V.Kýıbyshev atyndaǵy Máskeý ınjenerlik-qurylys ınstıtýtynyń aspırantýrasyn, D.A.Qonaev atyndaǵy ýnıversıtetti bitirgen. Ekonomıka ǵylymdarynyń kandıdaty.

1996 jyldan Almaty qalasy boıynsha Baǵa jáne monopolııaǵa qarsy saıasaty komıteti tóraǵasynyń orynbasary. 1999 jyldan - Almaty qalasy boıynsha Tabıǵı monopolııalardy retteý jáne básekelestikti qorǵaý departamentiniń dırektory. 2004 jyldan - QR Tabıǵı monopolııalardy retteý agenttigi tóraǵasynyń orynbasary. 2007 jyldan - QR Tabıǵı monopolııalardy retteý agenttiginiń tóraǵasy. 2012-2017 jyldary - Eýrazııalyq ekonomıkalyq komıssııanyń alqa múshesi – mınıstr. 2017-2019 jyldary QR Premer-Mınıstri Keńsesiniń basshysy. 2019 jyldyń naýryz-shilde aılarynda QR Ulttyq ekonomıka mınıstrliginiń jaýapty hatshysy boldy.

«Qurmet» ordenimen, «Qazaqstan Konstıtýtsııasyna 10 jyl», «Eýrazııalyq ekonomıkalyq odaqtyń damýyna qosqan úlesi úshin» (2019) medalimen marapattalǵan.




53 jyl buryn (1967) QR Qarjy vıtse-mınıstri Qanat Eskendiruly BAEDІLOV dúnıege keldi.

Almaty oblysy Kegen selosynda týǵan. Almaty halyq sharýashylyǵy ınstıtýtyn (1991); Ál-Farabı atyndaǵy Qazaq ulttyq ýnıversıtetin (2003) bitirgen. Ekonomıka ǵylymdarynyń kandıdaty Qazaqstan Respýblıkasy Mınıstrler Kabınetine qarasty Memlekettik qarjylyq baqylaý komıtetiniń Baqylaý-tekserý basqarmasynyń aǵa baqylaýshy-tekserýshisi, Salyq jáne saqtandyrý organdarynyń qarjy-nesıelik mekemelerin tekserý basqarmasynyń bólim bastyǵy (1991-1994); Almaty oblysy boıynsha QR Qarjylyq baqylaý komıtetiniń Qarjy-nesıelik organdardy tekserý jáne valıýtalyq baqylaý bóliminiń bastyǵy (1994-1996); Almaty oblysy boıynsha QR Qarjy mınıstrligine qatysty Qarjy-valıýtalyq baqylaý komıtetiniń basqarma bastyǵynyń orynbasary (1996-1998); QR Qarjy mınıstrligi Qarjylyq baqylaý komıtetiniń Bilim, ǵylym, mádenıet uıymdaryn jáne basqarý organdaryn tekserý bóliminiń bastyǵy (1998-1999); Almaty qalasynyń Túrksib aýdany boıynsha salyq komıtetiniń tóraǵasy (1999-2002); Almaty qalasynyń Medeý aýdany boıynsha salyq komıtetiniń tóraǵasy (2002-2003); Almaty qalasy boıynsha salyq komıtetiniń tóraǵasy (2003-2008); Qazaqstan Respýblıkasy Qarjy mınıstrligi Salyq komıteti tóraǵasynyń orynbasary (2008-2009). QR Qarjy mınıstrligi Salyq komıteti Astana qalasy boıynsha salyq departamentiniń basshysy (2009-2014), QR Qarjy mınıstrliginiń qazynashylyq komıtetiniń tóraǵasy (2014-2017).

Qazirgi qyzmetinde 2017 jylǵy mamyr aıynan beri.

«Qurmet» ordenimen (2005), «Qazaqstan Respýblıkasynyń táýelsizdigine 10 jyl» mereıtoılyq medalimen (2001) marapattalǵan.


Avtor Qanat Mámetqazyuly
Basty sózder: Kúntizbe,
Joǵary qaraı