Aýa raıy
Astana 11 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

19 qyrkúıek. Týǵan kún ıeleri

2020 jyldyń 19 qyrkúıek 2020 08:10

NUR-SULTAN. QazAqparat – QazAqparat 19 qyrkúıekke arnalǵan «Týǵan kún ıeleri» kúntizbesin usynady.

ESІMDER




115 jyl buryn (1905-1983) aqyn Asqar TOQMAǴAMBETOV dúnıege keldi.

Qyzylorda oblysynyń Syrdarııa aýdanynda týǵan. Uly Otan soǵysyna qatysqan. Tashkent polıtehnıkýmyn, Máskeý Baspa ınstıtýtyn bitirgen. «Lenınshil jas», «Sotsıalıstik Qazaqstan», «Qazaq ádebıeti» gazetteri men «Ara» jýrnalynda qyzmet istegen. Qazaqstan Jazýshylar odaǵynyń Shymkent, Qyzylorda oblystary boıynsha jaýapty hatshysy bolǵan. 1928 jyldan bastap óleńderi men poemalary, ocherkteri men feletondary jeke kitap bolyp basylyp shyqty.

Otan soǵysy jyldarynda jaýyngerlerdiń maıdandaǵy erlikterin, halyqtar dostyǵy, soǵystan keıingi jyldarda beıbit ómir tynysyn óz shyǵarmalaryna arqaý etti. «Hat», «Baqyt kilti», «Qaskeleń», «Ómirge jol», «Agronom kóktemi», «Batyr Álı», «Aqyn taǵdyry», «Kreml saqshysy», «Ajaldy jeńgen alyptar», «Batyrlar dastany», «Ýborıtsa», «Berlın kóshesinde», «Ispanııa», «Qarańǵy túnde», «Reın jaǵasynda» poemalarynyń, «Bizdiń Sáýle», «Qosh aman bol», «Bátımanyń haty», «Kút meni», «Súıgen jarǵa» taǵy basqa ánge arnalǵan óleńderiniń, Ybyraı Jaqaev ómirin beıneleıtin «Qyran tuǵyrdan ushady», Qazan tóńkerisiniń qarsańyndaǵy aýyl ómirin sýretteıtin «Aqmonshaq» (O.Bodyqovpen birge), «Qarbalasta» povesteri men romandarynyń, «Jyr kúmbezi» atty tarıhı romannyń avtory. «Eki zań», «Saılaý», «Aldar Kóse», «Bir semıa» atty pesalary bar.

S.Aınıdiń «Quldar» romanyn qazaqshaǵa aýdardy. Qazan tóńkerisi, І dárejeli Otan soǵysy, úsh ret Eńbek Qyzyl Tý ordenderimen jáne medaldarmen marapattalǵan.





50 jyl buryn (1970) Qazaqstan Respýblıkasy Mádenıet jáne sport mınıstrliginiń «Qazaqstan Respýblıkasynyń Ulttyq muraǵaty» RMM dırektory; Qazaqstan Respýblıkasy Prezıdentiniń janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komıssııanyń múshesi Ábil Taýfıkuly JOLAMANOV dúnıege keldi.

Batys Qazaqstan oblysynda týǵan. 1992 jyly ál-Farabı atyndaǵy Qazaq Ulttyq ýnıversıtetin tarıhshy mamandyǵy boıynsha támamdaǵan.

Eńbek jolyn 1992 jyly Batys Qazaqstan oblysynda Jympıty orta mektebiniń tarıh jáne qazaq tiliniń muǵalimi, dırektordyń tárbıe isi jónindegi orynbasary bolyp bastady. Batys Qazaqstan oblysy Syrym aýdany ákimi apparatynyń jastarmen jumys, týrızm jáne sport bóliminiń meńgerýshisi (1994-1999); Syrym aýdany ákimi apparatynyń uıymdastyrý jáne kadrlarmen jumys bóliminiń meńgerýshisi (1999-2000); Syrym aýdany ákimi apparatynyń aýdandyq mádenıet bóliminiń meńgerýshisi (2000-2007); Syrym aýdany ákimi apparatynyń aýdandyq bilim bóliminiń meńgerýshisi (2007-2008); BQO tarıhı-ólketaný murajaıynyń dırektory (2008-2014); 2014 jyly tamyz-jeltoqsan aralyǵynda «Batys Qazaqstan oblysy ákimdigi mádenıet, muraǵattar jáne qujattama basqarmasynyń oblystyq halyq shyǵarmashylyǵy ortalyǵy» MKQQ dırektory. Atyraý oblysy Mádenıet, muraǵattar jáne qujattama basqarma basshysynyń orynbasary (2014-2016); Atyraý oblysy Mádenıet, muraǵattar jáne qujattama basqarma basshysy (2016-2017); QR Mádenıet jáne sport mınıstrligi Mádenıet jáne óner isteri departamenti dırektorynyń orynbasary (2018-2019).

Qazirgi qyzmetinde 2019 jyldan bastap.





47 jyl buryn (1973) Qazaqstan Respýblıkasy Densaýlyq saqtaý vıtse-mınıstri Lıýdmıla Vıtalevna BıÝRABEKOVA dúnıege keldi.

Qaraǵandy oblysy, Qaraǵandy qalasynda dúnıege kelgen. 1997 jyly Qaraǵandy memlekettik medıtsına akademııasyn emdeý isi mamandyǵy boıynsha aıaqtady. 2004 jyly Qazaq farmatsevtıka ınstıtýtyn farmatsııa mamandyǵy boıynsha aıaqtady. 2014 jyly Halyqaralyq bıznes akademııasyn menedjment mamandyǵy boıynsha aıaqtady.

Eńbek jolyn 2004 jyly Qaraǵandy qalasy, H.J. Maqajanov atyndaǵy kópsalaly klınıkalyq aýrýhanada klınıkalyq farmakolog-dáriger bolyp bastady. 2005 jyldan 2007 jylǵa deıin Qaraǵandy qalasy, Qaraǵandy oblysy Densaýlyq saqtaý basqarmasynyń bas mamany bolyp jumys istedi. 2007-2009 jyldary Oral qalasy, Batys Qazaqstan oblysy Densaýlyq saqtaý basqarmasy bastyǵynyń strategııalyq damý jáne dárilik saıasat jónindegi orynbasary.

2009-2010 jyldar aralyǵynda Astana qalasy, Qazaqstan Respýblıkasy Densaýlyq saqtaý mınıstrligi Medıtsınalyq jáne farmatsevtıkalyq qyzmetti baqylaý komıtetiniń farmatsevtıkalyq qyzmetti, dárilik zattardyń sapasy men paıdalanylýyn baqylaý basqarmasynyń bastyǵy.

2010 jyldan 2010 jylǵa deıin Astana qalasy, Qazaqstan Respýblıkasy Densaýlyq saqtaý mınıstrliginiń Medıtsınalyq jáne farmatsevtıkalyq qyzmetti baqylaý komıteti tóraǵasynyń orynbasary. 2011 jyly Astana qalasy, Respýblıkalyq balalardy ońaltý ortalyǵynyń strategııalyq damý jáne patsıentterdiń qaýipsizdigi basqarmasynyń bastyǵy. 2011 jyldan 2012 jylǵa deıin Astana qalasy, Ulttyq medıtsınalyq holdıngtiń Medıtsınalyq kómekti uıymdastyrý departamentiniń bas menedjeri.

2012 jyldan 2013 jylǵa deıin Astana qalasy, Ulttyq medıtsınalyq holdıngtiń Medıtsınalyq kómekti uıymdastyrý departamentiniń dırektory. 2013-2014 jyldar aralyǵynda Astana qalasy, Qazaqstan Respýblıkasy Densaýlyq saqtaý mınıstrliginiń Respýblıkalyq sanıtarııalyq avıatsııa ortalyǵynyń oqý-klınıkalyq bóliminiń bastyǵy. 2014 jyly Astana qalasy, Medıtsınalyq tehnologııalar jáne aqparattyq júıeler ortalyǵynyń vıtse-prezıdenti.

2014 jyldan 2015 jylǵa deıin Astana qalasy, Qazaqstan Respýblıkasy Prezıdenti Іs basqarmasynyń bas ınspektory. 2015 jyldan bastap 2017 jyldyń shildesine deıin Astana qalasy, Qazaqstan Respýblıkasy Prezıdenti Іs Basqarmasynyń Medıtsınalyq ortalyǵy basshysynyń orynbasary.

2017 jyldan 2019 jyl aralyǵynda Qazaqstan Respýblıkasy Densaýlyq saqtaý mınıstrligi Farmatsııa komıtetiniń tóraǵasy.

2019-2020 jyldary Qazaqstan Respýblıkasy Densaýlyq saqtaý mınıstrliginiń Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy.

Qazirgi qyzmetinde – 2020 jyldyń sáýir aıynyn bastap.





42 jyl buryn (1978) Qazaqstan Respýblıkasynyń Parlament Májilisi apparat basshysynyń orynbasary Darhan Amanbekuly MEDEÝBAI dúnıege keldi.

Bilimi joǵary: Qaraǵandy memlekettik tehnıkalyq ýnıversıteti, ınjener; Qaztutynýodaǵynyń Qaraǵandy ekonomıkalyq ýnıversıteti, qarjy bakalavry.

Eńbek jolyn 2002 jyly Qaraǵandy qalalyq salyq komıtetinde bas maman bolyp bastady. 2005-2009 jyldary - Qaraǵandy oblysy ákimi apparatynyń bas mamany. 2009-2012 jyldary - «Nur Otan» HDP Tóraǵasy Birinshi orynbasarynyń kómekshisi, «Nur Otan» HDP Ortalyq apparaty Uıymdastyrý-partııalyq jumys jónindegi departamenti dırektorynyń orynbasary.

2012-2014 jyldary - Qazaqstan Respýblıkasy Parlamenti Májilisiniń Apparatynda Halyqaralyq baılanystar jáne Hattama bólimi meńgerýshisiniń orynbasary, Májilis Tóraǵasynyń kómekshisi, Uıymdastyrý-baqylaý jáne kadr jumysy bólimi meńgerýshisiniń orynbasary, Májilis Tóraǵasynyń keńesshisi qyzmetterin atqardy.

2014-2015 jyldary - Qazaqstan Respýblıkasy Prezıdenti Protokolynyń ınspektory. 2015-2016 jyldary - Qazaqstan Respýblıkasy Prezıdenti Ákimshiligi Basshysynyń Hatshylyǵy meńgerýshisiniń orynbasary.

2016 jyldyń maýsym aıynan bastap - QR Parlamenti Májilisi Apparaty Basshysynyń orynbasary.

«Qazaqstan Respýblıkasynyń táýelsizdigine 20 jyl» merekelik medalimen nagradtalǵan.





36 jyl buryn (1984) Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý komıtetiniń tóraǵasy Asan Kóbentaıuly DARBAEV dúnıege keldi.

Aqmola oblysynda dúnıege kelgen. Ál-Farabı atyndaǵy Qazaq ulttyq ýnıversıtetin, T. Rysqulov atyndaǵy Qazaq ekonomıka ýnıversıtetin, QR Prezıdenti janyndaǵy Memlekettik basqarý akademııasyn, Warwick ýnıversıtetin («Bolashaq» baǵdarlamasynyń stıpendıaty) támamdaǵan.

Eńbek jolyn 2005 jyly QR Qarjy mınıstrliginiń qurylymynda bastaǵan. Túrli jyldary «Básekeli saıasatty damytý jáne qorǵaý ortalyǵynda», Almaty oblysy boıynsha Monopolııaǵa qarsy basqarmada básekelestikti qorǵaý bóliminiń bas mamany, basshysy qyzmetterin atqarǵan.

2013-2014 jyldary QR Básekelestikti qorǵaý agenttiginde Kvazımemlekettik sektor jáne tutynýshylardyń quqyqtaryn qorǵaý departamenti dırektorynyń orynbasary, Memlekettik kásiporyndar men qosylýlaryn baqylaý departamentiniń dırektorynyń orynbasary boldy.

2014-2015 jyldary QR Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıtetiniń Memlekettik kásiporyndar men qosylýlaryn baqylaý basqarmasyn basqardy.

2015-2017 jyldary — QR UEM Tabıǵı monopolııalardy retteý jáne básekelestikti qorǵaý komıtetiniń tóraǵasynyń orynbasary. 2017-2019 jyldary QR UEM Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıteti tóraǵasynyń orynbasary bolyp eńbek etti.

Qazirgi qyzmetinde 2019 jyldyń qyrkúıek aıynan bastap.

«Eren eńbegi úshin» medalimen marapattalǵan (2019). «Atameken» UKP Basqarma tóraǵasynyń Alǵys hatyn alǵan (2016).


Basty sózder: Kúntizbe,
Joǵary qaraı