Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

19 maýsym – Áýe shabýylyna qarsy qorǵanys áskerleriniń qurylǵan kúni

2021 jyldyń 19 maýsym 2021 12:36

NUR-SULTAN. QazAqparat - 19 maýsym – Áýe shabýylyna qarsy qorǵanys áskerleriniń qurylǵan kúni, dep habarlaıdy QazAqparat QR Qorǵanys mıınıstrliginiń resmı saıtyna silteme jasap.

Baspasóz qyzmetiniń málimetterine qaraǵanda, Áýe shabýylyna qarsy qorǵanys áskerlerin elimizdiń áýe qalqany dep ataıdy. Bul áskerlerdiń basqarmasy osydan 29 jyl buryn quryldy. Búgingi tańda ol Áýe qorǵanys kúshteriniń jeke ásker tegi.

1992 jylǵy 19 maýsymda Qazaqstannyń tuńǵysh qorǵanys mınıstri Saǵadat Qojahmetuly Nurmaǵambetov áýe shabýylyna qarsy qorǵanys áskerlerin qurý týraly dırektıvaǵa qol qoıdy.

Áskerlerdiń quramyna Qazaqstan aýmaǵynda ornalasqan ÁShQQ qurylymdary men bólimderiniń 37 korpýsy – zenıt, zymyran, radıotehnıka jáne avıatsııa bólimderi, sondaı-aq áýe aılaqtyq-tehnıkalyq bólimsheler, baılanys jáne radıotehnıkalyq qamtamasyz etý batalony kirdi.





Bul ásker teginiń negizin qalaýshylar – Halyq qaharmany, armııa generaly Muhtar Altynbaev, general-maıor Anatolıı Vasımov, general-leıtenant Oqas Saparov, general-maıor Nurjan Muqanov jáne basqa da tulǵalar.

1998 jyly áýe shabýylyna qarsy qorǵanys áskerleriniń Áýe qorǵanysy kúshteriniń quramyna kirdi.

Áýe shabýylyna qarsy qorǵanys áskerleri áýe nysanalaryn bıiktik pen jyldamdyqtyń barlyq aýqymynda der kezinde anyqtaýǵa jáne zaqymdaýǵa qabiletti sońǵy úlgidegi zenıttik-zymyran keshenderimen jáne barlaý quraldarymen jaraqtalǵan.

2020 jyly áýe shabýylyna qarsy qorǵanys áskerlerin qaıta jaraqtandyrý baǵdarlamasyna sáıkes «BÝK-M2E» jańa zenıttik zymyran kesheni ákelindi. Buǵan deıin Qazaqstanda óndirilgen GM-403 «Nur» jáne Qazaqstannyń barlyq áýe keńistigin baqylaýǵa múmkindik beretin «Rosa-RB» zamanaýı radıolokatsııalyq stantsııalary paıdalanýǵa berildi.

Atalmysh áskerlerge eldiń ákimshilik-saıası, ónerkásiptik-ekonomıkalyq aýdandaryn áýe soqqysynan qorǵaý, áýe qarsylasyna qarsy kúres júrgizý, ornalasý pýnktteri men jyljytý baǵytyndaǵy Qurlyq áskerleriniń toptaryn, mańyzdy áskerı jáne basqa da nysandardy avıatsııa jáne ushqyshsyz ushý apparattarynyń soqqylarynan qorǵaý mindetteri júktelgen.

Áýe shabýylýyna qarsy qorǵanys áskerleriniń jeke quramy táýlik boıy jaýyngerlik kezekshilik atqaryp, áýe keńistigin paıdalaný erejesin saqtaýdy úzdiksiz baqylaıdy.











Basty sózder: QR Qorǵanys mınıstrligi, Ásker,
Joǵary qaraı