Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

196 mıllıon teńgeden astam qarajat BJZQ salymshylarynyń shottaryna qaıtaryldy

2022 jyldyń 14 mamyr 2022 05:49

NUR-SULTAN. QazAqparat - BJZQ-nyń «Jusan Ventures» JShS-ne joldaǵan talap aryzy nátıjesinde jaı aktsııalardy satyp alǵany úshin qordyń paıdasyna 196 304 931 teńge mólsherinde qosymsha aqy tólendi, dep habarlaıdy QazAqparat vedomstvonyń habarlamasyna silteme jasap.

Eske sala keteıik, 2021 jyldyń 18 naýryzyndaǵy jaǵdaı boıynsha BJZQ zeınetaqy aktıvteriniń portfelinde «Jusan Mobile» AQ 77 073 dana jaı aktsııalary bolǵan. 2021 jyldyń aqpanynda «Jusan Ventures» JShS Qazaqstan qor bırjasynyń ınternet-resýrsynda tıisti talapty jarııalaý arqyly sanatyna BJZQ da kiretin mınorıtarlyq aktsıonerlerden bir danasyn 5 750 teńge baǵamen aktsııalardy májbúrlep satyp alý quqyǵyn málimdedi.

KASE derekterine sáıkes, kórsetilgen baǵa ındıkatıvtik retinde rastaldy. Byltyr naýryzda «Jusan Ventures» JShS barlyq mınorıtarlyq aktsıonerlerden, onyń ishinde BJZQ zeınetaqy aktıvteri portfelinen aktsııalardy atalǵan baǵamen satyp alǵan.

«Alaıda, mınorıtarlyq aktsıonerlerdiń biri sotqa talap aryz bergen soń, táýelsiz baǵalaýdy eskere otyryp, sot aktsııalardyń bir danasynyń qunyn 8 297 teńge dep aıqyndady. Bıylǵy 14 sáýirinde Almaty qalasynyń mamandandyrylǵan aýdanaralyq ekonomıkalyq sotynyń sheshimi zańdy kúshine endi. Sot sheshimin eskerip, BJZQ «Jusan Ventures» JShS-ne aktsııalar qunynyń aıyrmasyn tóleýdi talap etip, sotqa deıingi talap aryzyn jiberip, tólem merzimin belgiledi. JShS aktsııalar qunynyń aıyrmasyn tóleýdi júzege asyrdy. Qosymsha aqy somasy sot belgilegen aktsııalar quny men buryn tólengen árbir aktsııa baǵasynyń aıyrmasy negizinde 2 547 teńge mólsherinde eseptep shyǵaryldy. Nátıjesinde 196 304 931 teńge BJZQ salymshylary men alýshylarynyń zeınetaqy aktıvteriniń quramyna aýdaryldy», - delingen jazbada.


Basty sózder: Qarjy, Zeınetaqy júıesi, Sot,
Joǵary qaraı