Aýa raıy
Astana 11 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

2,1 mln-nan astam qazaqstandyq 42 500 teńge birjolǵy tólemin aldy

2020 jyldyń 4 tamyz 2020 11:20

NUR-SULTAN. QazAqparat – Búginge deıin Memlekettik áleýmettik saqtandyrý qorynan (budan ári – MÁSQ) eń tómengi jalaqy – 42 500 teńge mólsherinde birjolǵy tólem taǵaıyndaýǵa tabysynan aıyrylǵan azamattardan 2,4 mln ótinish qabyldanǵan, dep habarlaıdy QazAqparat tilshisi.

QR Eńbek jáne halyqty áleýmettik qorǵaý mınıstrligi baspasóz qyzmetiniń málimetinshe, t ólem 2 mln 158 myń adamǵa taǵaıyndaldy. Aqshalaı qarajat 2 mln 142 myń qazaqstandyqqa aýdaryldy.

MÁSQ-tan tólem alýǵa ótinimder birneshe arnalar arqyly qabyldanady. 2,4 mln ótinimniń ishinde:

– 833,8 myń adam proaktıvti formatta tólem taǵaıyndaýǵa kelisim berdi;

– 609,3 myń adam Egov.kz portaly jáne telegram-bottar arqyly;

– 347,4 myń adam 42500.enbek.kz portaly arqyly;

– 628,9 myń adam ekinshi deńgeıdegi bankterdiń mobıldik qosymshalary men ınternet-resýrstary arqyly ótinish bergen.

Azamattardyń sanattary bólinisinde:

– 833,8 myń ótinish biryńǵaı jıyntyq tólem tóleýshilerden berildi (proaktıvti formatta);

– 206,7 myń ótinishti jaldamaly qyzmetkerleri úshin jumys berýshiler berdi;

– 1 mln 379 myń ótinish azamattardyń basqa sanattarynan kelip tústi (jeke kásipkerler; jeke praktıkamen aınalysatyn adamdar; azamattyq-quqyqtyq sıpattaǵy sharttar boıynsha tabys alatyn jeke tulǵalar).

Tólem 2 mln 158 myń adamǵa taǵaıyndaldy. Aqshalaı qarajat 2 mln 142 myń qazaqstandyqqa aýdaryldy.

Bul rette Qazaqstan aýmaǵynda karantınniń 2 aptaǵa sozylýyna baılanysty MÁSQ-tan birjolǵy tólem alatyn 799,6 myń adamǵa qosymsha 0,5 eń tómengi jalaqy (budan ári – ETJ) – 21 250 teńge taǵaıyndaldy. Osy baǵyttaǵy jumys jalǵasýda. Jaqyn arada aqshalaı qarajat azamattardyń shottaryna aýdarylady.

Buǵan deıin habarlanǵandaı, 2020 jyldyń shildesinde MÁSQ-ten birjolǵy tólem alǵan qazaqstandyqtarǵa karantınniń uzartylýyna baılanysty qosymsha aqy avtomatty túrde taǵaıyndalady. Qaıta ótinish berýdiń qajeti joq.

Karantın uzartylǵannan keıin birjolǵy tólem taǵaıyndaýǵa alǵash ret ótinish bergen azamattarǵa tólem 1,5 ETJ nemese 63 750 teńge (42 500 + 21 250 teńge) mólsherinde taǵaıyndalady.

Ótinish qabyldaý 2020 jyldyń 1 qyrkúıegine deıin jalǵasady.


Joǵary qaraı